🛑कुडाळमध्ये सुरू होणार बैल बाजार,भाजपा गटनेचा विलास कुडाळकर यांनी मांडलेल्या ठरावाला मंजुरी..

✍🏼लोकसंवाद /- कुडाळ.

कुडाळ नगरपंचायतीच्यावतीने झालेल्या कुत्र्यांच्या नसबंदी प्रकरणी संस्थेसंदर्भातील पुरावे देऊन सुद्धा प्रशासनाने कायदेशीर कारवाई का केली नाही? जर ही कारवाई होत नसेल तर आम्हाला पुढील पाऊल उचलावे लागेल असे भाजपचे गटनेता विलास कुडाळकर यांनी सांगितल्यावर मुख्याधिकारी अरविंद नातू यांनी येत्या आठ दिवसात संबंधित संस्थेवर कायदेशीर कारवाई करू असे सभागृहात सांगितले तसेच कुडाळ शहरातील बंद झालेला आठवडी बैल बाजार सुरू करण्यासंदर्भात भाजपा गटनेता विलास कुडाळकर यांनी मागणी केली होती.हा बैल बाजार पुन्हा सुरू करण्यासंदर्भात ठराव घेण्यात आला.कुडाळ नगरपंचायतीची सर्वसाधारण सभा नगरपंचायत कार्यालय येथे संपन्न झाली.

कुडाळ नगरपंचायतीची सर्वसाधारण सभा नगरपंचायत कार्यालय येथे संपन्न झाली यावेळी नगराध्यक्ष अक्षता खटावकर, उपनगराध्यक्ष किरण शिंदे, भाजपा गटनेता विलास कुडाळकर, मुख्याधिकारी अरविंद नातू तसेच सर्व नगरसेवक उपस्थित होते या सभेमध्ये कुत्र्यांच्या नसबंदी प्रकरणी प्रशासनाकडून कोणती कारवाई करण्यात आली असे विचारले असता मुख्याधिकारी अरविंद नातू यांनी यासंदर्भात कायदेशीर सल्लागार यांनी दिलेल्या मार्गदर्शनाचे वाचन केले मात्र यावेळी भाजपा गटनेता विलास कुडाळकर व ॲड. राजीव कुडाळकर यांनी सांगितले की हे जरी सल्लागारांचे मत असले तरी मुळात हा गुन्हा घडला त्यावेळी संबंधित संस्थेने कोणत्याही प्रकारची संस्था जिवंत ठेवण्यासाठी कार्यवाही केली नव्हती त्यामुळे या संस्थेवर नगरपंचायतीला फसवले हा गुन्हा दाखल करा अन्यथा आम्ही पुढील पाऊल उचलू असे सांगितले त्यावेळी शिवसेनेचे नगरसेवक उदय मांजरेकर व स्वीकृत नगरसेवक संतोष शिरसाट यांनी सांगितले की त्यांनी काम केलं आहे त्यामुळे गुन्हा दाखल करू नये यावी भाजप नगरसेवक व शिवसेना नगरसेवक यांच्यामध्ये शाब्दिक बाचाबाची होऊन संबंधित संस्थेला वाचवण्यासाठी सत्ताधारी प्रयत्न करत आहेत का? असा प्रश्न भाजपा गटनेता विलास कुडाळकर यांनी विचारला त्यानंतर मुख्याधिकारी यांनी संबंधित प्रकरणी आठ दिवसात कायदेशीर कारवाई करण्यात येणार असल्याचे सांगितले.

तसेच या बैठकीमध्ये भाजपा गटनेता विलास कुडाळकर यांनी कुडाळ शहरातील बंद असलेला आठवडी बैल बाजार सुरू करावा अशी मागणी केली होती या मागणीनुसार चर्चा करण्यात आली आणि पूर्वी ग्रामपंचायत काळामध्ये हा बैल बाजार होता तर हा बैल बाजार पुन्हा सुरू करण्यात यावा या मागणीच्या ठरावाला सर्वांनी सहमती दर्शवली त्याचप्रमाणे कुडाळ येथे जिल्हा रुग्णालय स्थलांतर करण्यात यावे अशी मागणी उपनगराध्यक्ष किरण शिंदे व भाजपा गटनेता विलास कुडाळकर यांनी केली होती यासंदर्भातला ठराव सर्वानुमते करण्यात आला आणि कुडाळ येथे जिल्हा रुग्णालय व्हावे अशी वरिष्ठस्तरावर मागणी करावी असे ठरले.

कुडाळ नगरपंचायतीची इमारत मुख्य कार्यकारी अधिकारी यांच्या बंगल्याच्या ठिकाणी

या सभेमध्ये कुडाळ नगरपंचायतीची इमारत बांधण्यासाठी जमीन खरेदी करण्यासाठी निधी आला असून ही इमारत कोणत्या ठिकाणी घेण्यात यावी याबाबत चर्चा झाली असता कुडाळ नगरपंचायतीची इमारत ही मध्य ठिकाणी असावी आणि त्या ठिकाणी कुठेही वाहतूक अडथळा होऊ नये याची काळजी घ्यावी त्यामुळे जिल्हा परिषदेच्या जुन्या मुख्य कार्यकारी अधिकारी यांच्या बंगल्याच्या ठिकाणची जी जागा आहे ती प्रस्तावित करावी असे सर्व नगरसेवकांच्या वतीने ठरविण्यात आले या बैठकीमध्ये दिवाबत्ती संदर्भात नगरसेवक निलेश परब यांनी प्रशासनाला धारेवर धरले त्याचप्रमाणे रंग करणे मच्छिंद्र कांबळे नाट्यगृह बांधकाम संदर्भात असलेली माहिती नगरसेवकांना देण्यात यावी अशी मागणी नगरसेविका सौ. संध्या तेरसे यांनी केली. कुडाळ शहरांमध्ये मोठ्या प्रमाणावर बॅनर लावले जातात यावर निर्बंध आणण्यासाठी कडक पावले उचलली जाणार असून यापुढे नगरपंचायतीची परवानगी कोण घेत नसेल तर त्या बॅनरच्या मालकावर दंडात्मक कारवाई करण्याचा ठराव कुडाळ नगरपंचायतीच्या बैठकीत सर्वानुमते घेण्यात आला.