🛑भाजपाचे नेते तथा माजी खासदार निलेश राणे यांचा सक्रिय राजकारणातून संन्यास..

▪️ट्विट करीत स्वतः केले जाहीर; निलेश राणेंच्या निर्णयानंतर भाजपाच्या कार्यकर्त्यामध्ये प्रचंड अस्वस्थता…

✍🏼लोकसंवाद /- सिंधुदुर्ग.

कोकणच्या राजकारणातून मोठी बातमी समोर आली आहे.भाजपचे ज्येष्ठ नेते, केंद्रीय मंत्री नारायण राणे यांचे सुपुत्र, भाजपाचे नेते तथा माजी खासदार निलेश राणे यांनी सक्रिय राजकारणातून संन्यास घेत असल्याचे जाहीर केले आहे. निलेश राणे यांनी अलीकडे कुडाळ मालवण विधानसभा मतदार संघातून निवडणूक लढवण्याची तयारी केली होती. त्यादृष्टीने भाजपचे कार्यकर्ते कामाला लागले होते. मात्र अचानक निलेश राणे यांनी राजकारण सोडण्याचा निर्णय घेतल्याने तळकोकणचे राजकारण ढवळून निघाले आहे.

नारायण राणेंचे ज्येष्ठ सुपुत्र असलेल्या निलेश राणे यांनी २००९ ते २०१४ या काळात काँग्रेसच्या तिकिटावर खासदारकी भूषवली होती. तर २०१४ आणि २०१९ च्या लोकसभा निवडणुकीत त्यांना पराभव पत्कारावा लागला होता. अलीकडे २०२४ च्या विधानसभा निवडणुकीत कुडाळ मालवण विधानसभा मतदार संघातून त्यांना उभे करण्यासाठी प्रयत्न सुरु होते. त्या दृष्टीने कार्यकर्त्यांनी कंबर कसली होती. असे असताना आज अचानक निलेश राणे यांनी राजकारणातून बाजूला होत असल्याचे ट्विट करीत एकच खळबळ उडवून टाकली आहे.