🛑सिंधुदुर्ग जिल्हा राष्ट्रवादी काँग्रेस पक्षाची अजित पवार गटाची पहिलीच जिल्हा कार्यकारणीची बैठक संपन्न..

▪️ग्रामपंचायत निवडणुका स्वबळावर लढण्याचा निर्णय.; काका कुडाळकर.

✍🏼लोकसंवाद /- कुडाळ.

सिंधुदुर्ग जिल्हा राष्ट्रवादी काँग्रेस (अजित पवार गट) पक्षाने आता येणाऱ्या ग्रामपंचायत निवडणुका स्वबळावर लढण्याचा निर्णय घेतला आहे.माहायुतीचा प्रस्ताव आला तर सत्ता येण्यासाठी निश्चित प्रयत्न करू.अन्यथा आमचा प्रबळ उमेदवार असेल तेथे आम्ही ताकदीने लढणार आहोत. लोकसभा , विधानसभा व अन्य सर्व निवडणुकीत आमचा राष्ट्रवादी पक्ष महत्वाची भूमिका बजावेल,असा विश्वास राष्ट्रवादी काँग्रेस पक्षाचे जिल्हा कार्याध्यक्ष काका कुडाळकर व प्रदेश सचिव एम.के.गावडे यांनी कुडाळ येथे पत्रकार परिषदेत व्यक्त केला.या जिल्ह्यात एका जागेवर आमदारकीसाठी राष्ट्रवादीचां उमेदवार असावा ही इच्छा पदाधिकारी कार्यकर्त्यांची असून या त्यांच्या भावना वरिष्ठ पर्यंत पोहोचविणार असल्याचे श्री कुडाळकर यानी स्पष्ट केले.

सिंधुदुर्ग जिल्हा राष्ट्रवादी काँग्रेस पक्षात फुट पडल्यानंतर अजित पवार गटाची पहिलीच जिल्हा कार्यकारणीची बैठक आज कुडाळ येथील खरेदी – विक्री संघाच्या शिवराम भाऊ जाधव सभागृहात कार्याध्यक्ष काका कुडाळकर यांच्या अध्यक्षतेखाली आयोजित करण्यात आली होती. या बैठकीनंतर श्री कुडाळकर व श्री.गावडे यांनी पत्रकारांशी संवाद साधला. दरम्यान प्रदेश सचिवपदी निवड झालेले एम.के.गावडे, सुरेश गवस व महिला जिल्हाध्यक्षा प्रज्ञा परब यांचा या बैठकीत सत्कार करण्यात आल्याचे श्री. कुडाळकर यांनी सांगितले. प्रदेश सचिव एम.के.गावडे, प्रदेश सचिव सुरेश गवस, महिला जिल्हाध्यक्षा प्रज्ञा परब, जेष्ठ नेते व जिल्हा सरचिटणीस सावळाराम अणावकर, तालुकाध्यक्ष अनुक्रमे कुडाळ -आर.के.सावंत, सावंतवाडी – उदय भोसले, वेंगुर्ले – प्रसाद पेडणेकर, दोडामार्ग – सत्यवान गवस, कणकवली -राजु पावसकर, देवगड – श्री. रशीद खान, मालवण – नाथ मालोडंकर, वैभववाडी – वैभव रावराणे, कुडाळ तालुका महिलाध्यक्षा पुजा पेडणेकर, जिल्हा उपाध्यक्ष सर्फराज नाईक, प्रांतिक सदस्य विलास गावकर व दिलीप वर्णे तसेच सदस्य प्रभाकर चव्हाण, सर्वेश पावसकर, यशवंत जाधव, प्रकाश ( बाळा )कोयंडे, शैलेश लाड, गुरूदत्त कामत आदिसह अन्य पदाधिकारी कार्यकर्ते उपस्थित होते श्री.कुडाळकर म्हणाले , आजच्या नियोजित बैठकीला नवनिर्वाचित अध्यक्ष अबीद नाईक काही कामानिमित्त बाहेरगावी गेल्यामुळे ते येवू शकले नाहीत. त्यांच्या सुचनेवरूनच आजची बैठक घेण्यात आली. येणार्‍या ग्रामपंचायत निवडुका राष्ट्रवादी काँग्रेस पक्ष स्व बळावर लढविणार आहे. प्रसंगी काही ठिकाणी घटक व सहयोगी असलेल्या भाजप व शिंदे गटा सोबत तडजोड करेल. पण आपली ताकद दाखवुन देणार आहेत. येत्या आठ दिवसात आठही तालुक्यातील तालुकाध्यक्ष आपली कार्यकारणी जाहिर करणार आहेत. तसे अभिवचन सर्व तालुकाध्यक्षांनी दिले आहे. राष्ट्रवादी पक्ष संघटना वाढिसाठी दसर्‍यानंतर आम्ही जिल्हाध्यक्ष अबिद नाईक यांच्या नेतृत्वाखाली सीमोल्लंघन करीत गावातील बुथ कमिट्यापर्यंत थेट जाणार आहोत. प्रदेश पदाधिकारी व स्थानिक पदाधिकाऱ्यांच्या सहकार्याने पक्ष संघटना मजबूत. करण्याचे काम येत्या काळात करणार असल्याचे त्यांनी सांगितले.

एम.के.गावडे म्हणाले, राष्ट्रवादी काँग्रेस पक्ष हा तळागाळातील सर्वसामान्यांचा पक्ष आहे. हा पक्ष आजही सिंधुदुर्गात रूजलेला आहे. त्यामुळे येणार्‍या काळात पक्ष संघटनाा वाढीसाठी आमचे प्रयत्न राहणार आहेत.जिल्हा कार्यकारिणीला लागेल ते सहकार्य केले जाईल.तालुका कार्यकारिणी निवड व त्यानंतर पक्षाचा कणा असलेल्या बूथ कमिट्या महिना भरात नियुक्त केल्या जातील. येत्या सर्व निवडणुकात राष्ट्रवादी महत्त्वाची भूमिका बजावेल असे त्यांनी सांगितले.

सिंधुदूर्ग जिल्ह्यात तीन विधानसभा मतदारसंघ आहेत. महायुती मध्ये राष्ट्रवादीने एक जागा लढवावी. यात राष्ट्रवादी चां कुठेतरी आमदारकीचा उमेदवार असावा.अशी इच्छा आजच्या बैठकीत पदाधिकारी कार्यकर्त्यांनी व्यक्त केली.त्या भावना वरिष्ठ पर्यंत पोहोचविणार असल्याचे कुडाळकर म्हणाले.