🛑कुडाळ तालुक्यातील वर्दे कुंभारवाडी, कोकेमळावाडी गावठाणवाडी रस्ता खडीकरण, डांबरीकरणासाठी ५९ लक्ष निधी मंजूर..

▪️भाजपा नेते माजी खासदार निलेश राणे यांची शिफारस.;पालकमंत्री रवींद्र चव्हाण यांच्या माध्यमातून निधी मंजूर..

✍🏼लोकसंवाद /- कुडाळ.

गेली कित्येक वर्षे खड्डेमय स्थितीत असलेल्या सिंधुदुर्गनगरी ते वर्दे मुख्य मार्ग प्रजिमा ३७ या रस्त्याच्या खडीकरण व डांबरीकरणसाठी सार्वजनिक बांधकाम विभागाच्या माध्यमातुन ५९ लक्ष रुपयांचा निधी मंजूर झाला असून या टप्यात वर्दे कुंभारवाडी, कोकेमळावाडी गावठाणवाडी दरम्यान रस्ता खडीकरण व डांबरीकरण होणार आहे.

मागील टप्यात सिंधुदुर्गनगरीला जोडणारा उर्वरित रस्ता पूर्ण झाला असून दुसऱ्या टप्यात होणाऱ्या रस्त्यामुळे प्रजिमा ३७ पूर्णपणे खड्डेमुक्त होणार आहे. या संदर्भातील निवेदन वर्दे ग्रामस्थ यांनी भडगाव पूल शुभारंभ प्रसंगी भाजपा नेते कुडाळ मालवण विधानसभा प्रमुख माजी खासदार निलेश राणे व पालकमंत्री रवींद्र चव्हाण यांना दिले होते. त्यावर तत्काळ अंमलबजावणी करत भाजपा नेते निलेश राणे यांच्या शिफारशीनुसार राज्याचे सार्वजनिक बांधकाम मंत्री तथा सिंधुदुर्ग जिल्ह्याचे पालकमंत्री रवींद्र चव्हाण यांनी सार्वजनिक बांधकाम विभागाच्या माध्यमातून हा निधी उपलब्ध करून दिला आहे.