🛑कामळेविर येथे बिबट्याच्या हल्ल्यात बकऱ्याचा मृत्यू..

✍🏼लोकसंवादा /- वेंगुर्ला.
     
तालुक्यातील आडेली 
कामळेविर येथील हनुमंत मोहन मांजरेकर यांच्या गोठ्यात बांधलेल्या बकऱ्यावर रात्रीच्या सुमारास वाघाने हल्ला केल्याने तो मृत्युमुखी पडला. त्यामुळे शेतकऱ्याचे आर्थिक  नुकसान झाले आहे.याबाबत वनविभागाने वेळीच लक्ष पुरवून बिबट्याचा बंदोबस्त करावा , अशी मागणी शेतकऱ्यातून करण्यात आली आहे.
     
कामळेविर पाटकरवाडी – मांजरेकरवाडी भागात बहुसंख्य शेतकरी असून अनेकांची गुरे आहेत.नजिकच्या भागात धरण असून या भागातील शेतकरी गुरे चारण्यासाठी नेतात.परंतु येथील भागात बिबट्याच्या मुख्य वस्तीनजिक वावरामुळे शेतकऱ्यांमध्ये भीतीचे वातावरण पसरले आहे. तसेच बिबट्याने बऱ्याच पाळीव कुत्र्यांवरही हल्ला करून भक्ष्य केले आहे. याबाबत संबंधित विभागाने त्वरित लक्ष पुरवावे ,अशी मागणी करण्यात आली आहे.