🛑वेंगुर्ले कॅम्प येथिल काथ्या कॉयर औद्योगिक संस्था येथे जागतिक नारळ दिन् कार्यक्रम साजरा..

✍🏼लोकसंवाद /- वेंगुर्ला.

सिंधुदुर्ग जिल्ह्यात नारळ लागवडीस योग्य असे क्षेत्र आहे.जिल्ह्यात 18 हजार हेक्टरवर नारळ लागवड झालेली आहे.मात्र अजूनही शेतकरी व्यापारी दृष्टिकोन ठेवून नारळाची मशागत करतानादिसत नाहीत.नारळ पीक हे शाश्वत उत्पन्न देणारे पीक असल्याने शेतकऱ्यांनी जागा उपलब्ध होईल तिथे नारळ शेती करणे आवश्यक आहे ,असे प्रतिपादन कृषीभूषण एम . के .गावडे यांनी वेंगुर्ले येथे बोलताना केले.

वेंगुर्ले कॅम्प काथ्या कॉयर औद्योगिक संस्था येथे जागतिक नारळ दिन् कार्यक्रम साजरा करण्यात आला. यावेळी एम .के .गावडे बोलत होते.कार्यक्रमाचे उदघाट्न एम .के .गावडे यांच्या हस्ते दीप्प्रज्वलन करून झाले.यावेळी गावडे म्हणाले, केरळमध्ये डोंगरावर नारळाच्या बागा उभ्या राहिल्या आहेत . नारळ शेती क्षेत्र वाढीसाठी पुरेपूर वाव असून कृषी विभागाच्या अनास्थेमुळे त्यामध्ये वाढ होत नाही. महाराष्ट्रात कोकोनट बोर्ड प्रादेशिक कार्यालय राजाभाऊ लिमये यांच्या काळात सुरू झाले. मात्र याचा उपयोग योग्य प्रमाणात कोकणाला होत नाही. महाराष्ट्र शासनाच्या वन विभागाकडून शेतकऱ्यांना सहकार्य मिळत नाही. इरोफाईड माईट (कोळी रोग) साठी महाराष्ट्र शासनाने प्रयत्न करण्याची आवश्यकता आहे,असेही ते म्हणाले.

यावेळी जिजामाता कृषी भूषण पुरस्कार प्राप्त प्रज्ञा परब यांच्या हस्ते नारळपेंडीचे पूजन करण्यात आले. कार्यक्रमास काथ्या उद्योजक श्रुती रेडकर , सुरंगी महिला औदयोगिक सहकारी संस्थेच्या अध्यक्षा सुजाता देसाई , सनराईज कॉयर क्लस्टर सावंतवाडी च्या अध्यक्षा गीता परब ,स्वप्निल गवळी ,कमल तोडकर आदी उपस्थित होते.