🛑दोडामार्ग पोलीस ठाणे मध्ये झाली शांतता कमिटीची बैठक..

✍🏼लोकसंवादर /- प्रशांत गवस, दोडामार्ग.

आगामी सणांच्या पूर्व नियोजनासाठी सिंधुदुर्ग जिल्ह्यातील दोडामार्ग पोलीस ठाणे येथे शांतता कमिटीची बैठक दिनांक ३१/०८/२०२३ रोजी घेण्यात आली आहे अशी माहिती दोडामार्ग पोलीस निरीक्षक अरूण पवार यांनी दिली आहे. ह्या बैठकीत आगामी सण गणेशोत्सवाच्या अनुषंगाने योग्य त्या सूचना दिल्या तसेच यावर्षी अनंत चतुर्दशी व ईद ए मिलाद हे सण एकाच दिवशी आलेले असल्याने धार्मिक सलोखा कायम राखला जाईल, व दोन्ही सण शांततेत होईल याबाबत योग्य त्या सूचना दिल्या आहेत. गणेशोत्सव काळात वाहतूक नियोजन कसे करावे, पार्किंग व्यवस्था, मिरवणुकांचे मार्ग, ध्वनी मर्यादा, याबाबत सविस्तर चर्चा करून उत्सव काळात निर्माण होणाऱ्या समस्यांबाबत योग्य ते नियोजन देखील करण्यात आले.

ह्या बैठकीसाठी पोलीस निरीक्षक पवार सपोनी, पोलीस उपनिरीक्षक ठाकूर तसेच शांतता कमिटीचे इसाक खेडेकर, मायकल लोबो,ललिता भोळे, संजय गवस, सेजल बांदेकर हे सदस्य उपस्थित होते.