🛑वेंगुर्ले तालुका एस.टी. कामगार संघटना अध्यक्षपदी संजय गावडे यांची निवड..

✍🏼लोकसंवाद /- वेंगुर्ला.

उद्धव ठाकरे शिवसेना ही कामगारांच्या हितासाठी रस्त्यावर उतरून संघर्ष करणारी आहे. आज एस.टी.ला खऱ्या अर्थाने कर्मचाऱ्यांची गरज असून एस.टी.चे – कर्मचाऱ्यांचे विविध प्रश्न, समस्या आपण संघटनेच्या माध्यमातून सोडवू. याबाबत खासदार अरविंद सावंत यांच्याशी विविध प्रश्नांबाबत पाठपुरावा करण्यात येईल.
यासाठी भविष्यात तुम्ही एकसंध रहा, उद्धव ठाकरे शिवसेनेच्या माध्यमातून प्रश्न सोडवण्यासाठी नेहमी सहकार्य राहील, अशी ग्वाही उद्धव ठाकरे शिवसेना जिल्हाप्रमुख संजय पडते यांनी वेंगुर्ले येथे दिली. वेंगुर्ले तालुका शिवसेना उद्धव ठाकरे शिवसेना मध्यवर्ती कार्यालयात जिल्हाप्रमुख संजय पडते व जिल्हा समन्वयक बाळा गावडे यांच्या प्रमुख उपस्थितीत
वेंगुर्ले तालुका एस.टी. कामगार संघटना कार्यकारणी निवडण्यात आली. यावेळी आयोजित कार्यक्रमात ते बोलत होते. वेंगुर्ले तालुका एस.टी. कामगार संघटना अध्यक्षपदी उद्धव ठाकरे शिवसेना उपतालुकाप्रमुख संजय गावडे यांची निवड करण्यात आली .सचिवपदी मार्टिन डिसोजा व उपाध्यक्षपदी नारायण होळकर् यांची निवड करण्यात आली.

यावेळी 60 एसटी कर्मचाऱ्यांनी उद्धव ठाकरे शिवसेनेमध्ये प्रवेश केला. यावेळी नवनिर्वाचित अध्यक्ष व अन्य कार्यकारिणी पदाधिकारी यांचे संजय पडते व ठाकरे शिवसेनेच्या वतीने अभिनंदन करण्यात आले. व्यासपीठावर एस.टी. कामगार सेना जिल्हाध्यक्ष अनुप नाईक , विभागीय सचिव भगवान धुरी, तालुकाप्रमुख यशवंत उर्फ बाळू परब, शहराध्यक्ष अजित राऊळ, माजी नगराध्यक्ष संदेश निकम, माजी नगरसेवक तुषार सापळे , संजय गावडे, वायगणी माजी सरपंच सुमन कामत , ऍड. जी.जी.टाककर , अभिनव मांजरेकर आदी उपस्थित होते. यावेळी कार्यकारिणी सहसचिवपदी विशाल पेडणेकर , खजिनदार गौरेश राणे ,विवेक नवार ,सहखजिनदार अभिजीत परब , महिला संघटक निहारिका होळकर ,धनश्री तांडेल , कायदेशीर सल्लागार ॲड. जी.जी. टाककर,विभागीय कार्यकारणी सदस्य पदी अनंत नाईक, मनोज दाभोलकर, एस.ए.काझी,उदय चिचकर. वेंगुर्ले आगार कार्यकारणी सदस्यपदी योगेश बोवलेकर , राहुल आरोलकर, गुरुप्रसाद गावडे , अक्षय एसाजी, एस .डी .राणे, रोहिदास कामत ,नंदू दाभोलकर , अमित नलावडे , सागर सावंत , एस . व्ही . राऊळ , सत्यवान राऊळ ,डी . एस . पालकर, श्री .सनगर ,संदीप चिचकर , डी .सी . मुळीक , अजित पाटील, अनिल नाईक , अमित खुर्दल्, के . एम. अनासुरे , संतोष कुंभार ,सताप्पा रासम , राजन अणसुरकर आदींची निवड करण्यात आली. यावेळी संघटनेच्या माध्यमातून विविध अडचणी, एस .टी .दुरावस्था , मागण्या याबाबत कार्यरत राहून सर्वांच्या सहकार्याने संघटना वाढीसाठी प्रयत्न करणार,असे नूतन अध्यक्ष संजय गावडे यांनी बोलताना सांगितले.आगामी कालावधीत एस.
टी . सेवा, वस्तीच्या सेवेत कर्मचाऱ्यांना सुविधा देण्याबाबत
उद्धव ठाकरे शिवसेनेच्या माध्यमातून पाठबल देण्यात येईल,असे यशवंत परब यांनी सांगितले.
कार्यक्रमाचे सूत्रसंचालन यशवंत परब, स्वागत अजित राऊळ व तुषार सापळे यांनी आभार मानले.कार्यक्रमांस डी . टी .कर्मचारी,तालुक्यातील व शहरातील उद्धव ठाकरे शिवसेना कार्यकर्ते मोठया संख्येने उपस्थित होते.