🛑मळगाव येथे गव्याची वाहनाला धडक बसुन गाडीचे नुकसान.

✒️लोकसंवाद /- सावंतवाडी.

मळगाव-सावंतवाडी मार्गावर अचानक रस्त्यावर आलेल्या गव्याने एका वाहनाला जोरदार धडक दिल्याने वाहनाचे नुकसान झाले. या अपघातात वाहनाची हानी झाली असली, तरी सुदैवाने कोणालाही दुखापत झाली नाही. त्यामुळे संभाव्य मोठा अनर्थ टळला.वन्यप्राण्यांच्या वावरामुळे वाहनचालकांमध्ये चिंता निर्माण झाली आहे.मळगाव-सावंतवाडी मार्गावर वन्यप्राण्यांचा वावर सातत्याने दिसून येत आहे. विशेषतः गवे अचानक रस्त्यावर येत असल्याने वाहनचालकांसाठी हा मार्ग धोकादायक ठरत आहे. अशा घटनांमुळे वाहनचालकांच्या सुरक्षेचा प्रश्न पुन्हा ऐरणीवर आला आहे.रात्रीच्या प्रवासात विशेष खबरदारीची गरज या मार्गावरून रात्री प्रवास करणाऱ्या वाहनचालकांनी अधिक सावधगिरी बाळगण्याची गरज व्यक्त होत आहे. वन्यप्राणी अचानक रस्त्यावर येण्याची शक्यता लक्षात घेऊन वाहनांचा वेग नियंत्रित ठेवावा आणि सावधपणे वाहन चालवावे, असे आवाहन करण्यात येत आहे.