🛑कुडाळ शहरातील वेंगुर्लेकरवाडीतील २६ नळ कनेक्शनधारकांच्या पाणीपट्टी दराचा उपविधीत समावेश करा.

◼️नगरसेवक अभिषेक गावडे यांना प्रशासनाचा सकारात्मक प्रतिसाद.

✒️लोकसंवाद /- कुडाळ.

कुडाळ नगरपंचायत हद्दीतील वेंगुर्लेकरवाडी येथील २६ नळ कनेक्शनधारकांच्या पाणीपट्टी दराचा पाणीपुरवठा उपविधीत समावेश करून योग्य दर निश्चित करावा, या मागणीसाठी शिवसेना शहरप्रमुख तथा नगरसेवक अभिषेक गावडे यांनी नवी मुंबई येथे कोकण विभागाचे विभागीय आयुक्त श्री. विजयकुमार म्हसाळ यांची भेट घेऊन निवेदन सादर केले.

वेंगुर्लेकरवाडीतील या २६ नळ कनेक्शनधारकांच्या पाणीपट्टी आकारणीसंदर्भातील प्रलंबित प्रश्नाकडे निवेदनाद्वारे प्रशासनाचे लक्ष वेधण्यात आले. याबाबत विभागीय आयुक्तांनी सकारात्मक प्रतिसाद देत प्रकरणाची योग्य ती तपासणी करून आवश्यक कार्यवाही करण्याबाबत सकारात्मक भूमिका दर्शविली.

२६ कुटुंबांच्या पाणीपट्टीचा प्रश्न मार्गी लागणार असून, नागरिकांना न्याय मिळवून देण्यासाठी पाठपुरावा सुरूच ठेवणार असल्याचे अभिषेक गावडे यांनी सांगितले.