🛑नांदरुख ग्रामस्थांनी मानले आमदार निलेश राणे आणि दत्ता सामंत यांचे आभार.

✒️लोकसंवाद /- मालवण.

शिवसेना जिल्हाप्रमुख दत्ता सामंत यांच्या पाठपुराव्यामुळे मालवण तालुक्यातील नांदरुख-कुर्लेभाटलेवाडी येथे ट्रान्सफॉर्मर बसविण्याचे काम मार्गी लागले आहे. गेली अनेक वर्षे नांदरुख कुर्लेभाटलेवाडी येथे ट्रान्सफॉर्मर बसविण्याची नांदरुख ग्रामस्थांची मागणी होती ती मागणी शिवसेना जिल्हाप्रमुख श्री. दत्ताजी सामंत यांच्या सातत्यपूर्ण पाठपुराव्यामुळे मार्गी लागली आहे.कुडाळ – मालवण चे शिवसेना आमदार श्री. निलेश नारायण राणे यांनी या मागणीची दखल घेत ट्रान्सफॉर्मर बसविण्याचे काम मार्गी लावले आहे.या कामासाठी पाठपुरावा करून ग्रामस्थांची मागणी पूर्ण केल्याबद्दल जिल्हाप्रमुख श्री. दत्ताजी सामंत आणि आमदार श्री.निलेशजी राणे यांचे ग्रामस्थांच्या वतीने शिवसेना शाखाप्रमुख श्री.समीर शशिकांत पाटकर यांनी यांचे आभार मानले.