🛑घोटगे-सोनवडे घाटरस्त्यास केंद्राची परवानगी कुडाळ तालुक्याच्या विकासाच्या नव्या पर्वाची सुरवात.;दीपलक्ष्मी पडते आंब्रड जि.प.सदस्या.

◼️खा.नारायण राणे,पालकमंत्री नितेश राणे,आ.निलेश राणे यांचे आभार.

✒️लोकसंवाद /- समिल जळवी कुडाळ.

मागील अनेक वर्षे प्रलंबित असलेला घोटगे-सोनवडे-कोल्हापूर घाटरस्त्याचा प्रश्न आज मार्गी लागला असून यामुळे घोटगे दशक्रोशीतील नागरिक आनंदित झाले आहेत.आमदार निलेश राणे यांनी आज या संदर्भात केंद्र सरकारकडून परवानगी प्राप्त झाल्याची माहिती दिली आहे.
गेली सुमारे ४० वर्ष्याहुन अधिक काळ प्रलंबित असलेला घोडगे सोनवडे कोल्हापूर घाटरस्ता मार्गी लावण्यात मान.नारायणराव राणे साहेब, पालकमंत्री ना.श्री नितेशजी राणे, व गेल्या 2 वर्षात सतत पाठपुरावा करणारे आमदार मा.श्री. निलेशजी राणे, मा.मंत्री.ना.श्री. प्रकाशजी आबिटकर साहेब यांच्या प्रयत्नांना व घाट रस्ता संघर्ष समितीच्या मागणीला यश मिळाले.या घाटर स्त्याबाबत खासदार नारायण राणे आणि पालकमंत्री नितेश राणे आणि आमदार निलेश राणे यांनी पाठपुरावा केल्याने हे यश मिळाल्याचे जिल्हा परिषद आंब्रड मतदारसंघाच्या सदस्या सौ.दीपलक्ष्मी पडते यांनी स्पष्ट केले आहे.

तसेच येथील नागरिकांनी सुद्धा घोटगे-सोनवडे घाटरस्त्याच्या कामी वेळोवेळी प्रशासनाकडे पाठपुरावा केला त्यांचेही सदस्या दीपलक्ष्मी पडते यांनी आभार मानले आहेत.सिंधुदुर्ग मधून कोल्हापूर जोडणाऱ्या अस्तित्वातील घाटरस्ता पैकी सर्वात कमी अंतर ,कमी वळणे, कमी खर्चाचा पूर्ण वर्षभर सुरक्षित असलेला पर्यायी घाटरस्ता म्हणून याला मान्यता मिळाली असून या घाटरस्त्याच्या कामास लवकरात लवकर सुरू होऊन तो पूर्ण होईल. यामुळे पर्यटन, दळवळण याला चालना मिळेल, असा विश्वास त्यांनी व्यक्त केला.