🛑घरफोडी प्रकरणातील संशयीत आरोपीला जामीन मंजुर.;ॲड.मनीष सातार्डेकर यांचा युक्तिवाद.

✒️लोकसंवाद /- कुडाळ

वेंगुर्ला तालुक्यातील उभादांडा आडारी येथील सौ. मनिषा गुंडुराज शिरोडकर याच्या आडारी येथील घराचा दरवाजा तोडुन घरामधील सोन्याचे, चांदीचे व पितळीचे असे एकुण
मिळुन सुमारे रक्कम रुपये १५,९७,०००/- किंमतीचे सुमारे ३१.५ तोळे वजनाचे सोन्याचे दागिने अज्ञात इसमाने चोरले असल्याची तक्रार फिर्यादी हिने दि. १४/०८/२०२६ रोजी वेंगुर्ला पोलिस स्टेशन येथे दिली होती. फिर्यादीच्या फिर्यादीवरुन एका विधीसंघर्ष बालकाला संशयीत म्हणुन ताब्यात घेण्यात आले होते.त्याच्याकडे अधिक चौकशी केली असता त्याने संशयीत म्हणुन कु. ओमेश प्रल्हाद पेडणेकर याच्या साथीने चोरी केल्याचे म्हटले होते.सबब कु. ओमेश प्रल्हाद पेडणेकर (१८ रा. आडारी, वेंगुर्ला) याला अटक करुन न्यायालयात हजर केले असता पोलिस कस्टडी देण्यात आलेली होती त्याला पुन्हा वेंगुर्ला न्यायालयाचा पदभार कुडाळ न्यायालयात असल्याने कुडाळ न्यायालयासमोर हजर केले असता कुडाळ न्यायालयाचे मे.न्यायधीश श्री. गजानन कुलकर्णी यांनी आरोपी याची रक्कम रुपये ५०,०००/- च्या सर्शत जामीनावर मुक्तता केलेली आहे.आरोपींच्या वतीने ॲड. मनीष सातार्डेकर व ॲड. अक्षदा राऊळ यांनी काम
पाहिले. दि. १७/०७/२०२६ ते दि. १४/०८/२०२६ चे दरम्याने उभादांडा आडारी येथील फिर्यादी सौ. मनिषां गुंडुराज शिरोडकर या आडारी येथील राहत्या घराला कुलुप करुन कामानिमित्त डोबिंवली मुंबई येथे गेल्या होत्या त्या दि. १४/०८/२०२६ रोजी पुन्हा घरी परतल्या असता त्याच्या घराच्या मुख्य दरवाजाचे कुलूप तोडुन कोणीतरी अज्ञात व्यक्तीने घरात प्रवेश करुन सोन्याचे, चांदीचे व पितळीच्या अशा मिळुन सुमारे रक्कम रुपये १५,९७,०००/- किंमतीचे सुमारे ३१.५ तोळे वजनाचे सोन्याचे दागिने चोरीला गेले असल्याचे फिर्यादीच्या निदर्शनास आले होते. सबब सौ. मनिषा गुंडुराज शिरोडकर हिने दि.१४/०८/२०२६ रोजी वेंगुर्ला पोलिस स्टेशन येथे चोरीची तक्रार दिली होती. फिर्यादीच्या फिर्यादीवरुन वेंगुर्ला पोलिसांनी संशयीत म्हणुन एका विधीसंघर्ष बालकाला ताब्यात घेतले होते त्याची अधिक चौकशी केली असता त्याने कु. ओमेश प्रल्हाद
पेडणेकर याच्या साक्षीने सदर प्रकार केल्याचे म्हटले होते त्याच्या म्हणण्याप्रमाणे सदर घरफोडी प्रकरणी संशयीत म्हणुन कु. ओमेश प्रल्हाद पेडणेकर याला पोलिसांनी भा.ना.सं.कलम ३०५,३३१(३), ३३१(४) कलमा अंतर्गत गुन्हा नोंद करुन अटक केली होती व त्याला वेंगुर्ला
न्यायालयासमोर हजर केले असता वेंगुर्ला न्यायालयाने पोलिस कस्टडी सुनावली होती. सदर आरोपीला वेंगुर्ला न्यायालयाचा पदभार कुडाळ न्यालयाकडे असल्याने दि. २०/०८/२०२६ रोजी कुडाळ मे.न्यालयासमोर हजर केले असता संशयीत आरोपीच्या वतीने ॲड. मनीष
सातार्डेकर यांनी केलेला युक्तीवाद व आरोपीची मांडलेली बाजु ग्राह्य मानुन कुडाळ मे. न्यायालयाने संशयीत आरोपीला रक्कम रुपये ५०,०००/- च्या सर्शत जामिनावर मुक्तता केलेली आहे. व आरोपी यानी तपासकामात पोलिसांना सहकार्य करणे, साक्षीदारांवर दबाव न टाकणे, साक्षीदार न फोडणे, तसेच दर गुरुवारी सकाळी ११ ते १ या वेळेत वेंगुर्ला पोलिस स्टेशन येथे चार्जशीट दाखल होईपर्यंत हजेरी लावण्याच्या अटीवर जामिन मंजूर केलेला आहे. संशयीत आरोपींच्या वतीने ॲड. मनीष सातार्डेकर यांनी काम पाहिले व त्यांना ॲड. अक्षदा राऊळ यांनी सहकार्य केले.