🛑स्वातंत्र्य दिनानिमित्त सिंधुदुर्ग मिल्लत फाउंडेशनतर्फे भव्य रक्तदान शिबिर.

✒️लोकसंवाद /- कुडाळ.

स्वातंत्र्य दिनाचे औचित्य साधून सिंधुदुर्ग मिल्लत फाउंडेशन* यांच्या वतीने सोमवार, दि. 17 ऑगस्ट 2026 रोजी भव्य रक्तदान शिबिराचे आयोजन करण्यात आले आहे. गरजू रुग्णांना वेळेवर रक्त उपलब्ध व्हावे आणि रक्तदानाबाबत समाजामध्ये जनजागृती निर्माण व्हावी, या सामाजिक बांधिलकीतून या शिबिराचे आयोजन करण्यात आले आहे.

सिंधुदुर्ग मिल्लत फाउंडेशन च्या सामाजिक कार्या चे पाचवे वर्ष असून, गेल्या चार वर्षांपासून संस्थेच्या माध्यमातून विविध सामाजिक उपक्रम सातत्याने राबविण्यात येत आहेत. याच सामाजिक सेवाभावाची परंपरा पुढे नेत स्वातंत्र्य दिनाच्या शुभमुहूर्तावर हे रक्तदान शिबिर आयोजित करण्यात आले आहे.

हे शिबिर सिद्धिविनायक हॉल, कुडाळ रेल्वे स्टेशन रोड, कुडाळ, जि. सिंधुदुर्ग  येथे  सकाळी 9 ते दुपारी 1 वाजेपर्यंत आयोजित करण्यात आले आहे.

“*एक छोटा कदम, किसी की नई जिंदगी*” या सेवाभावी भावनेतून नागरिकांनी मोठ्या संख्येने सहभागी होऊन रक्तदान करावे, असे आवाहन सिंधुदुर्ग मिल्लत फाउंडेशनतर्फे करण्यात आले आहे.

रक्तदानामुळे गरजू रुग्णांचे प्राण वाचविण्यास मदत होते. त्यामुळे युवकांसह सर्व पात्र आणि निरोगी नागरिकांनी या उपक्रमात सहभागी होऊन सामाजिक कर्तव्य बजावावे, असे आवाहन संस्थेने केले आहे.

रक्तदानासाठी *18 ते 65 वर्षे वयोगटातील, 50 किलो किंवा त्यापेक्षा अधिक वजन असलेले आणि निरोगी व्यक्ती* सहभागी होऊ शकतात. तसेच मागील तीन महिन्यांत रक्तदान केलेले नसणे आवश्यक आहे.

या रक्तदान शिबिरासाठी अधिक माहितीसाठी संपर्क :
*9970373439 / 9890800460 सिंधुदुर्ग मिल्लत फाउंडेशनतर्फे नागरिकांना आवाहन करण्यात आले आहे “आइए, रक्तदान करें – जीवनदान करें!”