🛑कणकवलीत तब्बल पावणेदोन किलो गांजा जप्त.;दोन संशयित एलसीबीच्या ताब्यात.

✒️लोकसंवाद /- कणकवली.

गांजा हा अंमली पदार्थ विक्रीच्या उद्देशाने बाळगलेल्या स्थितीत आढळल्याबाबत स्थानिक गुन्हा अन्वेषण शाखेच्या पथकाने (एलसीबी) दोन संशयितांना सापळा रचून ताब्यात घेतले. सूर्यकांत राघो घाडीगावकर (२९, रा. वागदे – देऊळवाडी) असे एका संशयिताचे नाव असून दुसरा संशयित अल्पवयीन आहे. ही कारवाई एलसीबीचे पोलीस उपनिरीक्षक अनिल हाडळ यांच्या नेतृत्वाखाली कणकवली शहरातील टेंबवाडी येथे एका सोसायटीनजीक गुरुवारी सायंकाळच्या सुमारास करण्यात आली. यात १,७९८ किलो ग्रॅम एवढ्या वजनाचा गांजा तसेच संशयितांनी वापरलेल्या दोन दुचाकी जप्त करण्यात आल्या आहेत.