🛑ग्रा.पं.नेरूर देऊळवाडा यांचेकडून घरगुती गॅस तपासणीच्या नावाखाली 236 रुपये सक्तीची वसुली.;जि.प.सदस्य रूपेश पावसकर आक्रमक.

✒️लोकसंवाद /- कुडाळ.

कुडाळ तालुक्यातील नेरूर देऊळवाडी जिल्हा परिषद सदस्य रूपेश पावसकर यांनी दिलेल्या निवेदनात असे म्हटले आहे की, माझ्या मतदारसंघातील ग्रामपंचायत नेरूर देऊळवाडा यांचे दि. 29/07/2026 चे पत्रानुसार HPCL च्या घरगुती गॅस जोडणीची अनिवार्य तपासणी करण्यासाठी प्रत्येक ग्राहकाकडून 238/- रुपये की “कुडाळ तालुका सहकारी खरेदी विक्री संघ” मार्फत वसूल केली जाणार आहे असे कळविण्यात आले आहे.

परंतु सदर पत्रामुळे गावातील नागरिकांमध्ये मोठा संभ्रम व नाराजी आहे. अचानक 236/- रुपये फी मागितली जात आहे. 10-15 वर्ष जुनी कनेक्शन असलेल्या ग्राहकांना पण सक्ती केली जात आहे. सदर की HPCL च्या कोणत्या परिपत्रकानुसार आहे, याचा कोणताही पुरावा दिलेला नाही. गॅस कंपनी थेट वसुली न करता खरेदी विक्री संघामार्फत वसुनी करत आहे. त्यामुळे ग्राहकांना पर्याय नाही. किमान 15 दिवसाची लेखी नोटीस न देता अचानक वसुली करणे (वरील 236/- फी) अनिवार्य आहे का? कोणत्या नियम/GR नुसार आहे याचा खुलासा 7 दिवसात द्यावा. तसेच तपासणी न केल्यास गॅस बंद होईल का हे स्पष्ट करावे. ग्राहकांना इतर अधिकृत मेकॅनिकचा पर्याय आहे का? हे देखील कळवावे. ग्रामपंचायतीने सदर पत्र कोणाच्या आदेशाने व कोणत्या ठरावाने काढले याची चौकशी करावी. जोपर्यंत HPCL कडून लेखी खुलासा येत नाही, तोपर्यंत कोणतीही सक्तीची वसुली थांबवण्याचे आदेश ग्रामपंचायतीला द्यावेत. सामान्य ग्राहकांना आर्थिक मुदंड पडू नये. कृपया तातडीने कार्यवाही करावी असे श्री रूपेश पावसकर यानी म्हटले आहे.याची प्रत मा. गटविकास अधिकारी, पंचायत समिती, कुडाळ, यांनाही दिली आहे.