🛑खानोली सुरंगपाणी येथिल प.पू.दादा पंडित महाराज यांचा ७४ वा वाढदिवस भाविक भक्तांच्या उपस्थितीत केक कापून करण्यात आला साजरा..

✒️लोकसंवाद /- वेंगुर्ला.

जीवनात सद्गुरुचे स्थान महत्त्वाचे आहे.ज्यांच्या वाणीत,आचरणात ,रूपात सत्याचे तेज आढळते, तो सद्गुरु! मनुष्य जगण्यातला चुकीचा मार्ग निवडतो, त्याला सन्मार्ग दाखवून त्यावरून चालण्याचे धैर्य अन शक्ती सद्गुरु प्रदान करतो.असेच भक्तगणांच्या हृदयातील श्रद्धास्थान, गुरुस्थान असलेले वेंगुर्ले तालुक्यातील खानोली सुरंगपाणी येथिल श्री.विठ्ठल रखुमाई पंचायतन देवस्थान समिती मंदिराचे प.पू.दादा पंडित महाराज यांचा ७४ वर्षात पदार्पण वाढदिवस असंख्य भाविक भक्तांनी शुक्रवारी १७ जुलै रोजी मोठ्या उत्साहात वाढदिवस साजरा केला.

या वेळी सकाळपासून प.पू दादा पंडित महाराज यांना गुरुवर्य मानणारे भाविक भक्त , राजकीय, सामाजिक पदाधिकारी गोवा, सिंधुदुर्ग, कोल्हापूर तसेच इतर ठिकाणाहून शुभेच्छा देण्यासाठी मोठ्या संख्येने खानोली सुरंगपाणी येथिल निवासस्थानी दाखल झाले होते.यावेळी पत्रकार आबा खवणेकर,पत्रकार समिल जळवी,पत्रकार संदीप चव्हाण, कुडाळ ग्रामीण रुग्णालयाचे सुरक्षारक्षक बाबा कुमठेकर यांनीही प.पू.दादा पंडित महाराज यांना वाढदिवसानिमित्त पुष्पगुच्छ देऊन शुभेच्छा दिल्या.

प.पू.दादा पंडीत महाराज हे आध्यात्मिक असून गेली अनेक वर्षे ते आपल्या आध्यात्मिक वापर लोक कल्याणासाठी करत असून केवळ अंधश्रद्धा म्हणून लोकांना एकत्र न करता आध्यात्मिक मार्गाने त्यांच्या समस्याचे निवारण करण्याचे काम करतात.त्यामुळे भाविकांचा ओघ सतत त्यांच्या जवळ सुरू असतो.केवळ भोंदूगिरी बुवा बाजी करून पैसा कमावणे हे सत्कार्य नसून आपल्या आध्यात्मिकते मुळे आपल्या जवळ येणाऱ्या भाविकांच्या जीवनात सुख समृद्धी नांदावी यासाठी आपल्या आध्यात्मिकतेचा वापर व्हावा.यासाठी कायम प्रयत्नशील असणारे प.पू. दादा पंडित महाराज भाविकांसाठी श्रद्धास्थान ठरत आहेत.त्यामुळे येणाऱ्या अमृत महोत्सवी वाढदिवस हा देखील या पेक्षाही मोठ्या उत्साहाने साजरा केला जाईल अशी भावना देखील भाविकांनी व्यक्त केल्या.