🛑वालावल ग्रामसभेत गोंधळ : सरपंचांवर प्रश्नांचा भडिमार, सभा अर्धवट सोडली..

◼️विकासकामे पाणीपुरवठा, शौचालयावरून ग्रामस्थ आक्रमक; महिलांशी अरेरावीचा आरोप..

✒️लोकसंवाद /- कुडाळ.

2 जून 2026 रोजी झालेल्या वालावल ग्रामसभेत विकासकामांच्या मुद्द्यावरून ग्रामस्थांनी सरपंचांना धारेवर धरले. समाधानकारक उत्तरे न मिळाल्याने व सरपंचांनी अर्धवट सभा सोडल्याने गावात संतापाची लाट उसळली आहे.

ग्रामसभेत उपस्थित झालेले प्रमुख मुद्दे:

1. *आचारसंहिता असताना सभा कशी?* – विधान परिषदेची आचारसंहिता सुरू असताना ग्रामसभा बोलावल्याबद्दल ग्रामस्थांनी आक्षेप घेतला. खरंतर पावसा आधी होणारी 1 मे ची सभा चक्क 2 जून ला घेण्यात आली. 18 मे ला आचारसंहिता सुरू झाल्याने चक्क आचारसंहितेचा भंग.
2. *जलजीवन मिशनवर बोंब* – योजनेच्या कामाबाबत विचारलेल्या प्रश्नांना समाधानकारक माहितीच मिळाली नाही. अर्ज देऊनही वर्षभरापासून अनेक कुटुंबे पाणीपुरवठ्यापासून वंचित आहेत.
3. *वॉर्ड सभा नाही, ठराव नाही* – वॉर्ड सभा न घेतल्याने कामे रखडली. मागील सभेत मंजूर ठरावांची अंमलबजावणीच झाली नसल्याचा आरोप.
4. *शौचालय नाही, पण डागडुजीचा खर्च होतो कसा?* – गावात सध्या एकही सार्वजनिक शौचालय कार्यरत नसताना डागडुजीच्या नावाखाली खर्च दाखवला जात असल्याचा ग्रामस्थांचा सवाल.
5. *‘उत्तर द्यायला बांधील नाही’* – विविध प्रश्नांवर सरपंचांनी “मी उत्तर द्यायला बांधील नाही” असे सांगत ग्रामस्थांना उत्तरे देण्यास नकार दिला. सभा अध्यक्ष सरपंच आणि ग्रामसेवक निरुत्तर
6. *महिलांशी अरेरावी* – सरपंचांना महिला ग्रामस्थांशी बोलण्याची पद्धतच विसरल्याचा आरोप ग्रामस्थ महिलांनी केला.
7. *सभा अर्धवट सोडली* – ग्रामस्थांच्या प्रश्नांना उत्तरे देण्याऐवजी सरपंच मनमानी करत, फोनवर बोलत अर्धवट सभा सोडून निघून गेले.
8. *अर्जांकडे दुर्लक्ष* – ग्रामस्थांनी दिलेल्या अर्जांवर कोणतीही कार्यवाही होत नाही. मागील ग्रामसभेतील इतिवृत्त फक्त कागदावरच राहिले, प्रत्यक्षात कृती शून्य.

संपूर्ण गावाच्या विकासाचा मुद्दा असताना सरपंचांच्या मनमानी कारभारामुळे ग्रामस्थांमध्ये तीव्र नाराजी आहे. प्रशासनाने यात लक्ष घालून ग्रामसभेत उपस्थित झालेल्या मुद्द्यांची चौकशी करावी व रखडलेली कामे मार्गी लावावीत, अशी मागणी ग्रामस्थांनी केली आहे.👇https://youtube.com/shorts/eeG0BVoHJnA?si=6w1-WF5bZot9iH0-