🛑भारतीय सशस्त्र दलातील अधिकारी पदासाठी मोफत पूर्व प्रशिक्षणाची सुवर्णसंधी..

✒️लोकसंवाद /- सिंधुदुर्ग.

भारतीय सैन्य दल, नौदल व वायुदलामध्ये अधिकारी पदावर भरती होण्यासाठी पात्र उमेदवारांना Combined Defence Service (CDS) या परीक्षेची पूर्वतयारी करून घेण्यासाठी छात्रपूर्व प्रशिक्षण केंद्र, नाशिक रोड, नाशिक येथे शासनातर्फे महाराष्ट्रातील नवयुवक व नवयुववतीसाठी दिनांक 15 जून 2026 ते 28 ऑगस्ट 2026 या कालावधी सीडीएस कोर्स क्रमांक 67आयोजित करण्यात येत आहे. निवड केलेल्या प्रशिक्षणार्थीना दिनांक 14 जून 2026 सकाळी 10 वाजता प्रशिक्षण केंद्रात हजर रहावे लागेल अशी माहिती जिल्हा सैनिक कल्याण अधिकारी यांनी दिली आहे.
कोर्स कालावधीत प्रशिक्षणार्थींना नि:शुल्क प्रशिक्षण, निवास व भोजन दिले जाते. जिल्ह्यातील इच्छुक उमेदवारांनी सैन्य दलातील अधिकारी पदाची संधी उपभोगण्यासाठी जिल्हा सैनिक कल्याण कार्यालय सिंधुदुर्ग येथे दिनांक 8 जून 2026 रोजी मुलाखतीस हजर रहावे. मुलाखतीस येतेवेळी त्यानी Department of Sainik Welfare, Pune यांच्या वेबसाईट www.mahasainik.maharashtra.gov.in या संकेतस्थळावर जाऊन DSW Portal (Resources-PCTC Nashik-CDS-67) (किंवा संबंधीत जिल्हा सैनिक कल्याण कार्यालयाने प्रिंट दिलेल्या) प्रवेशपत्र व त्यासोबत असलेली परिशिष्टांची प्रिंट घेऊन व ते पूर्ण भरून सोबत घेऊन यावे.
सीडीएस वर्गामध्ये प्रवेश मिळण्यासाठी खालील नमूद पात्रता असणे आवश्यक आहे व त्यासंबंधीचे पात्रता प्रमाणपत्र प्रशिक्षण वर्गाला येताना सोबत घेऊन यावेत:- अ)उमेदवार हा कोणत्याही शाखेचा पदवीधर असावा.आ) उमेदवार लोकसंघ आयोग (UPSC) नवी दिल्ली यांच्यामार्फत घेण्यात येणाऱ्या सीडीएस(CDS) या परीक्षेकरिता ऑनलाइनद्वार अर्ज केलेला असावा.
अधिक माहितीसाठी प्रभारी अधिकारी, छात्रपूर्व प्रशिक्षण केंद्र, नाशिक रोड, नाशिक यांचा ई-मेल आयडी: training.petenashik@gmail.com व दूरध्वनी क्रमांक 0253-2451032 किंवा व्हाट्सअप क्रमांक 9156073306 (प्रवेश पत्र मिळविण्यासाठी )असून कार्यालयीन वेळेत प्रत्यक्ष अथवा दूरध्वनीवर संपर्क करावा असे आवाहन, जिल्हा सैनिक कल्याण अधिकारी यांनी केले आहे.