🛑एलईडी व पर्ससीन मासेमारीवर नियंत्रण ठेवण्यासाठी जिल्ह्याच्या सागरी हद्दीत कडक गस्त..

✒️लोकसंवाद /- मालवण.

जिल्ह्याच्या सागरी हद्दीत कडक गस्त ठेवून अनधिकृत एलईडी व पर्ससीन मासेमारीवर प्रभावी नियंत्रण ठेवण्यासाठी आवश्यक ती कठोर कार्यवाही सातत्याने करण्यात येत आहे, अशी माहिती प्रभारी सहाय्यक आयुक्त मत्स्यव्यवसाय (तां) प्र.ला. महाडवाला यांनी दिली आहे.

अनाधिकृत मासेमारी नाकावर कारवाई करून महाराष्ट्र सागरी मासेमारी नियम अधिनियम १९८१ तसेच सुधारणा अधिनियम 2011 या कायद्याची प्रभावी अंमलबजावणी करण्यासाठी मत्स्य व्यवसाय विभागामार्फत राज्याच्या सागरी हद्दीत नियमित गस्त सुरू आहे. सुरक्षा रक्षक व पोलीस कर्मचारी यांच्या मदतीने प्रभावी गस्त घालून यांना अनधिकृत एलईडी व पश्चिम मासेमारी आळा घालण्यासाठी अंमलबजावणी अधिकाऱ्यांचे विशेष पथके तयार करून सातत्याने कार्यवाही करण्यात येत आहे. प्रशासनाने सदर बाबीची गंभीर दखल घेत तातडीने व सतर्कतेने पावले उचलली असून समुद्रात मासेमारी नौकांची कसून तपासणी सुरू आहे. मत्स्य व्यवसाय विभागाकडून किनारपट्टी क्षेत्रात खोल समुद्रात देखील महाराष्ट्र राज्याच्या जलाधि क्षेत्रात नियमित ग्रस्त घालण्यात येत आहे.
अनेकदा एलईडी मासेमारीचे जुने फोटो अथवा नाईट व्हिजनमध्ये करण्यात आलेले फोटो प्रसारित करून विभागाची दिशाभूल करण्याचा प्रयत्न होत आहे. सद्यस्थितीत मासेमारी हंगाम समाप्तीचा कालावधी सुरू असून मे अखेरचे खराब हवामान, समुद्रातील उंच लाटा व वादळी वाऱ्यांमुळे रात्रीच्या वेळी गस्त करणे अत्यंत आव्हानात्मक ठरत आहे. मत्स्य विभागामार्फत नियमित गस्त घालण्यात येत आहे. तसेच सद्यस्थितीत हंगामाचे शेवटचे 10 दिवस उरलेले असल्याने अनेक मासेमारी नौका बंद झालेले असून मोठ्या प्रमाणावर खलाशी आपल्या मुळे गावी परतण्याची लगबग सुरू झाली आहे. बेकायदेशीर मासेमारीला कोणत्याही प्रकारची मुभा अथवा सॉफ्ट कॉर्नर दाखविण्यात येणार नाही.
प्रादेशिक हवामान विभागकडून वेळोवेळी प्राप्त हवामान इशाऱ्यानुसार समुद्रात वादळी वाऱ्यासह पावसाची शक्यता वर्तविण्यात येत असते अशावेळी हवामान अनुकूल होईपर्यंत जिल्ह्यातील मासेमारी नौकानी समुद्रात जाणे टाळावे, आवाहन ही प्रशासनमार्फत करण्यात येत आहे.