🛑घे भरारी फाउंडेशन सावंतवाडीने राबविला महिला आणि मुलींसाठी विशेष उपक्रम..

✒️लोकसंवाद /- सावंतवाडी.

घे भरारी फा फाउंडेशन सावंतवाडी यांनी सावंतवाडी मध्ये खास महिलांसाठी आणि मुलींसाठी झुंबा क्लासचा विशेष असा उपक्रम गेला महिनाभर राबविला. हा उपक्रम महिलांसाठी कोणताही मोबदला न घेता राबविला गेला .अर्थात याचा सावंतवाडीतील आणि सावंतवाडीच्या आजूबाजूच्या परिसरातील महिलांना खूप लाभ झाला. महिलांच्या आरोग्यासाठी उत्तम असा कार्यक्रम राबविल्याबद्दल सर्व स्तरातून घे भरारी फाउंडेशनचे विशेष कौतुक करण्यात आले विशेष करून सहभागी महिलांनी घे भरारीचे विशेष आभार व्यक्त केले. नुकताच या उपक्रमाचा समारोप कार्यक्रम काझी शहाबुद्दीन हॉल , सावंतवाडी येथे पार पडला.. यावेळी महिलांनी उत्तम झुंबा प्रकार आणि विशेष झुंबा नृत्य सादर केली आणि उपस्थित सर्वांची वाहवा मिळवली… संपूर्ण महिनाभर चाललेल्या या उपक्रमाला झुंबा प्रशिक्षक पंकज टिळवे यांचे विशेष मार्गदर्शन लाभले… त्यांच्या उत्तम मार्गदर्शनामुळे सहभागी महिलांनी त्यांचे विशेष आभार व्यक्त केले… त्याचबरोबर संस्थापिका मोहिनी मडगावकर अध्यक्षा रेखा कुमठेकर , कार्याध्यक्षा मेघना राऊळ, त्याचबरोबर वंदना वडगावकर, शारदा गुरव यांनी मनोगत व्यक्त करून सहभागी महिलांचे कौतुक केले… या कार्यक्रम प्रसंगी घे भरारीच्या संस्थापिका अध्यक्षा मोहिनी मडगावकर अध्यक्षा रेखा कुमठेकर, कार्याध्यक्षा मेघना राऊळ , उपाध्यक्षा संध्या पवार, सेक्रेटरी सलोनी वंजारी, खजिनदार स्वप्नाली कारेकर, सल्लागार शारदा गुरव , मेघना साळगावकर, मेघा भोगटे, वैष्णवी बांदेकर ,गीता लोहार वंदना मडगावकर, सीमा रेडीज ,सुश्मिता नाईक शरदिनी बागवे , अनिता म्हापसेकर , दिपा नेवगी , साची दळवी, प्रीती काजारे इत्यादी घे भरायचे सभासद उपस्थित होते …झुंबा प्रशिक्षण घेतलेल्या महिलांपैकी प्रार्थना राणे , मिताली राऊळ, सविता गव्हाणे , विनिता बागायतकर, संजीवनी सौंदेकर इत्यादी महिलांनी मनोगत व्यक्त करून आपल्याला या झुंबा क्लासचा चांगला फायदा झाला ..मानसिक स्वास्थ्य आणि शारीरिक स्वास्थ्य उत्तम राखण्यासाठी असे उपक्रम घे भरारीने राबवावे.. अशा प्रतिक्रिया अनेक प्रशिक्षण लाभार्थी महिलांनी व्यक्त केल्या ..कार्यक्रमाचे सूत्रसंचालन घे भरारीच्या कार्याध्यक्षा मेघना राऊळ यांनी केले आणि आभार प्रदर्शन मिताली राऊळ यांनी व्यक्त केले.. यापुढे सुद्धा हा प्रशिक्षण वर्ग असाच महिलांसाठी आणि मुलींसाठी चालू राहणार आहे असे मत घे भरारी चा संस्थापिका आणि सावंतवाडी नगरपालिकेच्या नगरसेविका मोहिनी मडगावकर यांनी व्यक्त केले.. समारोप प्रसंगी झुंबा प्रशिक्षक पंकज टिळवे यांनी आपले मनोगत व्यक्त केले आणि घे भरारी फाउंडेशन नेहमीच आपल्याला सहकार्य करतं आपल्या मधील विशेष कलागुणांचे कौतुक करून आपल्याला संधी देते याबद्दल घे भरारीचे आभार व्यक्त केले… यावेळी घे भरारी च्या वतीने पंकज टिळवे यांचा. विशेष सत्कार करण्यात आला… घे भरारी फाउंडेशन सावंतवाडी यांच्या वतीने गेली अनेक वर्षे सामाजिक , सांस्कृतिक, शैक्षणिक अशा अनेक प्रकारचे उत्तम उपक्रम राबविले जातात आणि यापुढेही राबविले जाणार आहेत …त्याबद्दल समाजातील सर्वच स्तरामधून घे भरारीचे विशेष कौतुक करण्यात येत आहे.. यापुढे सुद्धा असेच नवनवीन उपक्रम आम्ही राबवू असे मनोगत अध्यक्षा रेखा कुमठेकर यांनी व्यक्त केले.. या कार्यक्रमाच्या उद्घाटन प्रसंगी डॉक्टर माधवी कशाळीकर प्रमुख पाहुण्या म्हणून उपस्थित होत्या …उद्घाटन प्रसंगी त्यांनी घे भरारी फाउंडेशन सावंतवाडी या ग्रुपचे मनःपूर्वक अभिनंदन केले आणि घे भरारी फाउंडेशन सावंतवाडी सतत राबवित असलेल्या नवनवीन उपक्रमाबद्दल त्यांनी कौतुक केले आणि शुभेच्छा दिल्या.