🛑ऑन कॉल तरुण रक्तदाते जय मांजरेकर यांनी एकाचवेळी दिले दोन रुग्णांना जीवनदान..

✒️लोकसंवाद /- ओरोस.

आज दिनांक ०६ एप्रिल २०२६ रोजी दुर्मिळ अशा बी निगेटिव्ह रक्तगटाच्या वारगाव ता. कणकवली येथील रविंद्र जाधव तसेच वैभववाडी येथील शोभा कडू या पेशंटच्या बायपास सर्जरी करीता आजच दोन ते तीन रक्तदात्यांची SSPM हॉस्पिटल, पडवे येथे तातडीची गरज होती. कारण काही कारणास्तव रक्तदाते मिळणे मुश्किल झाले होते.

त्यावेळी या दोन्ही पेशंटसाठी आमच्या ऑन कॉल रक्तदाते संस्थेचे नियमित ऑन कॉल तरुण रक्तदाते जय मांजरेकर यांनी रक्तदान केले.

वास्तविक पाहता एक रक्तदाता रक्तदान करतो, त्यावेळी त्याचे रक्त तीन जणांसाठी उपयोगात येते. ब्लड सेपरेशनची सुविधा ज्या रक्तपेढीमध्ये असते, त्या ठिकाणी त्या रक्तातील PCV म्हणजे लाल रक्तपेशी, प्लेटलेट्स आणि प्लाझ्मा अशा तीन स्वरुपात ते रक्त वेगळे केले जाते आणि पेशंटला ज्या घटकांची आवश्यकता असते, त्यानूसार त्या पेशंटची गरज पूर्ण केली जाते.

वरील निकषानूसार रविंद्र जाधव या पेशंटला PCV ची आवश्यकता होती तर शोभा कडू या पेशंटला प्लेटलेट्सची आवश्यकता होती. या दोन्ही पेशंटच्या गरजा जय मांजरेकरने केलेल्या रक्तदानाने एकाच वेळी पूर्ण झाल्या.

दरम्यान जय मांजरेकरचे हे तब्बल पंचवीसावे रक्तदान होते, तर तिसरे प्लेटलेट्स दान होते. जयच्या या असीम कर्तृत्वाला ऑन कॉल रक्तदाते संस्था, सिंधुदुर्गच्या वतीने शतवार प्रणाम.

आज हे रक्तदान करताना जयचे दोन बंधु चिन्मय मांजरेकर आणि आदित्य बर्डे उपस्थित होते.जयच्या या धाडसी रक्तदानाबद्दल ऑन कॉल रक्तदाते संस्थेचे अध्यक्ष आदरणीय गवस साहेब यांनी जयचे भरभरुन कौतुक केले आहे.