🛑शासकिय जंगलात सप्तरंगी या औषधी वनस्पतीची अवैध वृक्षतोड करुन त्याची मुळे काढणारा वनविभगाच्या जाळ्यात.

✒️लोकसंवाद /- समिल जळवी,कुडाळ.

सावंतवाडी वनविभागाचे अखत्यारितील कुडाळ वनपरिक्षेत्रातील चाफेली वन परिमंडळाअंतर्गत नेरुर त.क. पश्चिम नियतक्षेत्रातील मौजे नेरुर त.क.पश्चिम गावामध्ये वनविभागाचे 947.27 हेक्टर राखीव वन आहे. दि. 03/03/2026 रोजी वनपाल चाफेली व वनरक्षक नेरुर त. क. पश्चिम, वनरक्षक चाफेली, वनरक्षक पुळास स्टाफसह मौजे नेरुर त.क. पश्चिम मध्ये रात्री गस्त करत असताना दि.04/03/2026 चे रात्रौ 1.30 चे सुमारास नेरुर त.क. पश्चिम कक्ष क्रमांक 90A चे पायथ्याशी असलेल्या कोरड्या नदीपात्रातून डांबरी रस्त्यावर शिरओझ्याने सप्तरंगी वनस्पतीची वाहतुक करत असताना आरोपी विठ्ठल लक्ष्मण लगड याला अटकाव करुन विचारणा केली असता, त्याने वनपाल चाफेली यांचेसमक्ष वनगुन्हयाची कबुली दिली. तद्नंतर वनपाल चाफेली यांनी दोन पंचासमक्ष वस्तुस्थितीचा पंचनामा नोंदवून आरोपीच्या ताब्यातून सप्तरंगी वनस्पतीची मुळे व फांदया भरलेली 26 पोती जप्त करणेत आली व जप्तीनामा नोंदविणेत आला व वनपाल चाफेली रा.गु.क्र. सी 01/2026 चा नोंद करणेत आला.

दि. 04/03/2026 रोजी चौकशी कामी ताब्यात घेतलेले आरोपी क्र.1 यांची रेंज कार्यालय कुडाळ येथे चौकशी करुन त्यांचे जबाब नोंदविणेत आले. आरोपी यांनी गुन्हा कबुल केल्याने त्यांना पंचासमक्ष अटक पंचनामा नोंद करुन अटक करणेत आली. चौकशीमध्ये आरोपी विठ्ठल लक्ष्मण लगड यांनी फारार आरोपी यांचेशी संगनमत करुन मौजे नेरुर त.क. पश्चिम शासकिय राखीव वन कक्ष क्रमांक 90A मध्ये अपप्रवेश करुन सप्तरंगी झाडाची तोड करुन त्याची मुळे खोदुन काढून विक्रीच्या उद्देशाने वाहतुक करण्याच्या गुन्हाची आरोपीने कबुली दिल्याने पंचासमक्ष अंग झडती घेऊन त्यांना अटक करुन वैदयकिय तपासणी करुन मा. न्यायालयासमोर हजर केले असता, आरोपीस दि.05/03/2026 पर्यंत फॉरेस्ट कस्टडी देण्यात आलेली आहे. गुन्हयाचा तपास वनक्षेत्रपाल कुडाळ श्री. सं. श्री. कुंभार हे मा. मिलिश दत्त शर्मा, उप-वनसंरक्षक सावंतवाडी व मा. एस. के. लाड, सहा. वनसंरक्षक (खा.कु.तो व वन्यजीव) सावंतवाडी यांचे मार्गदर्शनाखाली करत असून, तपास प्रकरणी वनपाल चाफेली श्री संतोष गोरे, वनरक्षक नेरुर त. क. पश्चिम निखिल खोत, वनरक्षक पुळास शिवाजी पाटील, वनरक्षक चाफेली किरण गोसावी, वनपाल मठ श्री. सावळा कांबळे सहकार्य लाभले. सदर गुन्हयात सप्तरंगी वनस्पतीची मुळे भरलेली 26 पोती जन 961 किलो किंमत- 56699/- (अक्षरी छपन्न हजार सहाशे नव्याण्णव मात्र) चा मुद्देमाल जप्त करणेत आला आहे. गुन्हयाचा तपास प्रगतीवर असून, सदर गुन्हयात आणखीन आरोपीचा समावेश असून त्यांना दोन दिवसांत ताब्यात घेण्यात येईल अशी माहिती वनक्षेत्रपाल यांनी दिली.