🛑पोक्सो (POCSO) अंतर्गत दाखल गंभीर गुन्ह्यात आरोपीची अटकेतून सुटका ॲड.विनय मांडकुलकर यांचा युक्तिवाद.

✒️लोकसंवाद /- कुडाळ.

पोक्सो (POCSO) अंतर्गत दाखल गंभीर गुन्ह्यात आरोपीची अटकेतून सुटका ॲड.विनय मांडकुलकर यांचा कायदेशीर युक्तिवाद ठरला यशस्वी ॲड.विनय मांडकुलकर यांचा हा कायदेशीर युक्तिवाद ग्राह्य धरून ओरोस येथील मे.न्यायालयाने आरोपीची तात्काळ अटकेतून सुटका केली आहे.तसेच ॲड. विवेक मांडकुलकर , ॲड. प्रणाली मोरे , ॲड. वृषांग जाधव, व ॲड. सुयश गवंडे यांनी काम पाहिले.

या प्रकरणातील तक्रारीनुसार, आरोपी दीपक विनायक सावंत याने दि. ८ फेब्रुवारी २०२६ रोजी एका १५ वर्षीय अल्पवयीन मुलीला इंस्टाग्रामवर मेसेज पाठवून तिचा पाठलाग केल्याचा आरोप होता. कुडाळ पोलिसांनी या तक्रारीवरून दि.१२ फेब्रुवारी रोजी रात्री १०:४५ वाजता आरोपीला अटक केली होती.तपासादरम्यान पोलिसांनी आरोपीचा मोबाईल फोन जप्त केला असून,अधिक चौकशीसाठी १४ दिवसांच्या न्यायालयीन कोठडीची मागणी केली होती.
या प्रकरणाच्या सुनावणीत बचाव पक्षाचे वकील ॲड. विनय मांडकुलकर यांनी माननीय न्यायालयासमोर अत्यंत प्रभावी कायदेशीर मुद्दे मांडले. त्यांनी असा युक्तिवाद केला की, जरी पोक्सो अंतर्गत गंभीर गुन्हा दाखल करण्यात आला असला, तरी या विशिष्ट कलमांतर्गत असणारी शिक्षा ही ५ वर्षांपर्यंत मर्यादित आहे. सर्वोच्च न्यायालयाच्या मार्गदर्शक तत्त्वांनुसार, ज्या गुन्ह्यांमध्ये ७ वर्षांपेक्षा कमी शिक्षा आहे, म्हणून अशा प्रकरणांत केवळ आरोपांच्या गंभीरतेमुळे आरोपीला कोठडीत ठेवणे आवश्यक नाही. तपासात पूर्ण सहकार्य करण्याची तयारी दर्शवत, विनाकारण अटक टाळली पाहिजे हा महत्त्वाचा मुद्दा त्यांनी न्यायालयासमोर मांडला.आरोपीच्या वतीने ॲड.विवेक मांडकुलकर,ॲड.प्रणाली मोरे,ॲड.वृषांग जाधव, व ॲड. सुयश गवंडे यांनी काम पाहिले.