🛑कुडाळ तालुका व्यापारी अध्यक्षपदी पी.डी.शिरसाट उपाध्यक्षपदी संदेश पडते तर,गुरुप्रसाद कोरगावकर,सेक्रेटरीपदी महेश ओटवणेकर,खजिनदारपदी अक्षय सावंत, अनुप तेली.

◼️कुडाळ तालुका व्यापारी संघटना नूतन कार्यकारणी जाहीर.

✒️लोकसंवाद /-कुडाळ.

कुडाळ तालुका व्यापारी संघटनेच्या अध्यक्षपदी पी.डी. शिरसाट, उपाध्यक्षपदी संदेश पडते (कुडाळ) व गुरूप्रसाद (बाळा) कोरगावकर (माणगाव), सेक्रेटरी पदी महेश ओटवणेकर, सहसेक्रेटरीपदी भानुदास बांदेकर (कसाल), खजिनदारपदी अक्षय सावंत, सहखजिनदारपदी अनुप तेली यांची सर्वानुमते निवड करण्यात आली.

तालुका व्यापारी संघटनेची सभा गुरुवारी येथील महालक्ष्मी हॉल नं. २ मध्ये झाली. या सभेत कुडाळ तालुका व्यापारी संघाची नूतन कार्यकारीणीची निवड करण्यात आली. या कार्यकारीणीची निवड करण्यासाठी प्रसाद धडाम यांनी निवडणूक निरीक्षक म्हणून काम पाहीले. यावेळी सर्वानुमते कार्यकारीणीची निवड करण्यात आली. यावेळी द्वारकानाथ घुर्ये, संजय भोगटे, श्रीराम शिरसाट, राजन नाईक, अवधूत शिरसाट, प्रसाद धडाम, गोविंद सावंत आदी उपस्थित होते. या सभेत बाळा कोरगावकर, ओंकार तेली, प्रकाश वाळके, सुनील भोगटे, प्रसाद शिरसाट, सुहास बांदेकर, द्वारकानाथ घुर्ये यांनी संघटनेच्या पुढील वाटचालीबद्दल विचार मांडले. मावळते अध्यक्ष श्रीराम शिरसाट यांनी नूतन कार्यकारणी पदाधिकाऱ्यांचे पुष्पगुच्छ देऊन अभिनंदन केले. कुडाळ तालुका व्यापारी संघटनेच्या नवीन कार्यकारणी निवडीच्यावेळी जिल्हा महासंघावर कुडाळ तालुक्यातून दोन सदस्य निवडण्यात आले. शहरी भागातून द्वारकानाथ घुर्ये व ग्रामीण भागातून राजन नाईक यांची सर्वानुमते निवड करण्यात आली.

नूतन अध्यक्ष पी.डी. शिरसाट यांनी संघटना मजबूत करण्यासाठी व वाढविण्यासाठी प्रयत्न करेन अशी ग्वाही दिली. या सभेत मागील कार्यकारीणीच्या जमाखर्च अहवाल सादर करण्यात आला. या सभेचे सुत्रसंचालन व आभारप्रदर्शन महेश ओटवणेकर यांनी केले. या सभेला व्यापारी बंधूंची लक्षणीय उपस्थिती होती.