🛑कुडाळ येथील राडा प्रकरणी शिवसेना उबाठा शहर निरीक्षक सुशिल चिंदरकर यांच्यासह पाचजणांची निर्दोष मुक्तता.

🖋️लोकसंवाद /- कुडाळ.

दोन वर्षांपूर्वी कुडाळ शहरातील छत्रपती शिवाजी महाराज नगर येथे कुडाळ आणि मालवण मधील तरुणांच्या दोन गटात तूफान हाणामारी झाली होती. या राड्याच्या गुन्ह्यातून उबाठा शिवसेनेचे पदाधिकारी सुशिल चिंदरकर आणि इतर चार जणांची कुडाळ न्यायालयाने निर्दोष मुक्तता केली आहे.

शहरातील छत्रपती शिवाजी महाराजांच्या पुतळ्याजवळ गाडी पार्किंगवरुन कुडाळ शहरातील आणि मालवण दांडी येथील युवक एकमेकांना भिडले आणि त्याचे रूपांतर पुढे तुफान हाणामारीत झाले होते. याप्रकरणी, दोन्ही बाजूंनी गुन्हे दाखल करण्यात आले होते.

दरम्यान, दोन वर्षांनंतर आज कुडाळ न्यायालयाने सुशिल चिंदरकर आणि इतर चार जणांची निर्दोष मुक्तता केली. चिंदरकर यांच्यावतीने ॲड.श्री. सुहास सावंत आणि ॲड.निलांगी रांगणेकर सावंत यांनी युक्तिवाद केला.