🛑राज्यात जिल्हा परिषद आणि पंचायत समिती निवडणुकांचे बिगुल वाजणार?निवडणुक आयुक्त यांची आज पत्रकार परिषद!

🖋️लोकसंवाद /- मुंबई.

महाराष्ट्र राज्यातील जिल्हा परिषद आणि पंचायत समित्यांच्या निवडणुका आज जाहीर होण्याची शक्यता आहे.महाराष्ट्र राज्य निवडणूक आयुक्त दिनेश वाघमारे आज मंगळवारी दुपारी ४ वाजता सह्याद्री अतिथीगृह येथे विशेष पत्रकार परिषद घेणार आहेत.गेल्या अनेक दिवसांपासून प्रलंबित असलेल्या या निवडणुकांबाबत निवडणूक आयोग नेमकी काय भूमिका घेणार,याकडे संपूर्ण राज्याचे लक्ष लागले आहे.आज दुपारी होणाऱ्या या संवादामध्ये निवडणुकांचा कार्यक्रम,प्रभाग रचना आणि आचारसंहिता यांसारख्या महत्त्वपूर्ण मुद्द्यांवर अधिकृत घोषणा केली जाऊ शकते.राजकीय पक्षांनी आधीच या निवडणुकांसाठी कंबर कसली असून आजच्या या पत्रकार परिषदेनंतर राज्याचे राजकीय वातावरण पुन्हा एकदा तापणार आहे.