🛑लक्ष्मीबाई सीताराम हळबे महाविद्यालयात निवासी शिबिराचा समारोप कार्यक्रम संपन्न..

🖋️लोकसंवाद /- दोडामार्ग.

लक्ष्मीबाई सीताराम हळबे महाविद्यालयाच्या राष्ट्रीय सेवा योजना विभागामार्फत भिकेकोनाळ येथे आयोजित करण्यात आलेल्या सात दिवसीय निवासी शिबिराचा समारोप २७ डिसेंबर रोजी मोठ्या उत्साहात झाला. या कार्यक्रमासाठी व्यासपीठावर राष्ट्रीय सेवा योजना विभागाचे कार्यक्रम अधिकारी डॉक्टर संजय खडपकर, सह कार्यक्रम अधिकारी प्रा. प्रथमेश ठाकूर, सिंधुदुर्ग जिल्हा मध्यवर्ती बँकेचे माजी अध्यक्ष माननीय श्री सतीश सावंत, श्री. बाबुराव धुरी, महाविद्यालयाचे प्राचार्य डॉक्टर सुभाष सावंत , महाविद्यालय विकास समिती सदस्य श्री. हेमंत पेडणेकर, श्री सुरेश गवस, श्री निलेश सावंत, श्री सूर्यकांत गवस, श्री लक्ष्मण आयनोडकर, श्री विजय जाधव व भिकेकोनाळ या गावचे पोलीस पाटील श्री शुभम धुरी हे उपस्थित होते.
राष्ट्रीय सेवा योजनेची शिबिरे ही केवळ श्रमदानाची केंद्रे नसून ती संस्कारांची शाळा आहेत. ग्रामीण भागातील समस्या जाणून घेऊन त्या सोडवण्यासाठी तरुणांनी पुढाकार घेतल्यास खऱ्या अर्थाने ग्रामविकास साध्य होईल,” असे प्रतिपादन मा. श्री. सतीश सावंत यांनी केले.
कार्यक्रमाच्या अध्यक्षस्थानी महाविद्यालयाचे प्राचार्य डॉ. सुभाष सावंत होते. गेल्या सात दिवसांपासून भिकेकोनाळ गावात मुक्कामी असलेल्या या शिबिरात विद्यार्थ्यांनी अनेक विधायक कामे केली.

यामध्ये प्रामुख्याने:
* गावातील रस्त्यांची व सार्वजनिक परिसराची स्वच्छता.
* पथनाट्यांच्या माध्यमातून व्यसनमुक्ती व अंधश्रद्धा निर्मूलनाचा संदेश.
* शोषखड्डे व बंधारे निर्मितीचे श्रमदान.
माजी अध्यक्ष सतीश सावंत यांनी पुढे बोलताना विद्यार्थ्यांच्या मेहनतीचे कौतुक केले आणि त्यांना ग्रामीण अर्थव्यवस्थेत सहभागी होण्याचे आवाहन केले. अध्यक्षीय भाषणात प्राचार्य डॉ. सुभाष सावंत यांनी सांगितले की, “भिकेकोनाळ सारख्या ग्रामीण भागात येऊन विद्यार्थ्यांनी जे श्रमसंस्कार घेतले आहेत, त्याचा उपयोग त्यांना त्यांच्या पुढील आयुष्यात नक्कीच होईल. ग्रामस्थांनी दिलेल्या उदंड प्रतिसादामुळेच हे शिबिर यशस्वी होऊ शकले.”

यावेळी कु. नरेश गवस, कु. चंद्रकांत गवस व कु. वैष्णवी कदम यांनी सात दिवसांच्या वास्तव्यातील आपले मनोगत व्यक्त केले. त्याचप्रमाणे ग्रामस्थ श्री विठ्ठल रमेश गवस यांनी ही आपले मनोगत व्यक्त केले. भिकेकोनाळ ग्रामस्थांच्या वतीनेही महाविद्यालयाच्या या स्तुत्य उपक्रमाबद्दल समाधान व्यक्त करण्यात आले. कार्यक्रमाला महाविद्यालयाचे प्राध्यापक, एनएसएस कार्यक्रम अधिकारी, गावचे सरपंच आणि ग्रामस्थ मोठ्या संख्येने उपस्थित होते.
कार्यक्रमाची सांगता राष्ट्रगीताने करण्यात आली. कार्यक्रमाचे प्रास्ताविक डॉक्टर संजय खडपकर यांनी केले, सूत्रसंचालन कुमारी तनया मणेरीकर व आभार प्रदर्शन कु. चंद्रकांत गवस याने केले.
या शिबिरामुळे भिकेकोनाळ परिसरात चैतन्याचे वातावरण निर्माण झाले होते.