🛑श्री देव नागदा मारुती येथे रुपेश पावसकर पुरस्कृत आमने-सामने तिरंगी भजनांचा जंगी सामना संपन्न.

🖋️लोकसंवाद /- कुडाळ.

श्री देव नागदा मारुती सेवा उत्सव मंडळ तसेच रणझुंजार मित्र मंडळ व उद्योजक श्री रुपेश पावस्कर पुरस्कृत आमने-सामने तिरंगी भजनांचा जंगी सामना रविवार दिनांक 23 नोव्हेंबर 2025 रोजी मोठ्या उत्साहात संपन्न झाला.या तिरंगी भजनाच्या जंगी सामन्यासाठी बुवा श्री.विनोद चव्हाण श्री.लिंगेश्वर प्रासादिक भजन मंडळ भरणी तालुका कुडाळ कै. चिंतामणी पांचाळ यांचे पट्ट शिष्य विरुद्ध बुवा श्री.विजय उर्फ गुंडू सावंत श्री.हनुमान प्रासादिक भजन मंडळ वर्दे बुवा श्री.अशोक सावंत यांचे पट्ट शिष्य विरुद्ध बुवा श्री.संदीप लोके वडची देवी प्रासादिक भजन मंडळ लिंगडाळ गुरुवर्य बुवा श्री.विजय परब यांचे पट्ट शिष्य या तीन बुवांमध्ये जंगी तिरंगी भजनांचा सामना अतिशय रंगतदार पणे रंगला या कार्यक्रमाची सुरूवात श्री देव नागदा मारुतीला श्रीफळ ठेवून तसेच गाऱ्हाणे करून करण्यात आले. तद्नंतर या कार्यक्रमात प्रमुख मान्यवरांचा सत्कार करण्यात आला यामध्ये श्री.प्रकाश करलकर,श्री.सुरेश करलकर,श्री.संजय करलकर,श्री.राजा सामंत,श्री.राजेश महाडेश्वर,ज्येष्ठ मार्गदर्शक श्री.अशोक पावसकर,श्री.बाळा धुरी,श्री. देविदास नाईक, त्याचप्रमाणे तिरंगी भजनासाठी लाभलेले बुवा श्री विनोद चव्हाण,श्री. विजय उर्फ गुंडू सावंत,श्री. संदीप लोके या तीन बुवांचा शाल श्रीफळ पुष्पगुच्छ देऊन सत्कार करण्यात आला. यावेळी या कार्यक्रमाचे उद्घाटन नेरुर गावचे माजी सरपंच भाजपा जिल्हा कोषाध्यक्ष तथा देवस्थान कमिटी अध्यक्ष श्री.चारुदत्त देसाई यांच्या शुभहस्ते श्रीफळ वाढवून करण्यात आले.

या कार्यक्रमासाठी श्री.निचम यांच्या साऊंड सर्व्हिसने अतिशय प्रभावीपणे उत्कृष्ट व कार्यक्रमात रंगत आणली. या कार्यक्रमासाठी उत्कृष्ट निवेदक श्री निलेश गुरव यांनी या कार्यक्रमाचे संपूर्ण समालोचन केले. या कार्यक्रमाच्या दरम्यान देवस्थान कमिटी अध्यक्ष श्री. चारुदत्त देसाई यांनी आपले मनोगत व्यक्त केले व श्री उद्योजक रुपेश पावसकर यांच्या बद्दल आपल्या मनातील गौरव उद्गार व्यक्त केले. कार्यक्रमाच्या उद्घाटन समारोपाच्या टप्प्यात उद्योजक श्री रुपेश पावसकर यांचा श्री देव नागदा मारुती सेवा उत्सव समिती व नेरूर गावाच्या वतीने जाहीर सत्कार करण्यात आला. उद्योजक श्री. रुपेश पावसकर यांनी आपल्या मनोगतात सांगितले की आपण जे उद्योगातून अर्थार्जण कमवतो त्यातील काही वाटा हा आपण समाजासाठी देणे असतो आणि ते आपण समाजाला सेवा रूपाने देतो असे गौरव उद्गार रणझुंजार मित्र मंडळाचे सर्वेसर्वा व उद्योजक श्री.रुपेश पावसकर यांनी व्यक्त केले.श्री देव नागदा मारुती सेवा उत्सव मंडळ तसेच रणझुंजार मित्र मंडळ उद्योजक श्री रुपेश पावसकर यांनी केले आहे. या कार्यक्रमासाठी युट्युब चैनलच्या माध्यमातून चित्रीकरण करणाऱ्याची मोठ्या प्रमाणात उपस्थिती होती.या कार्यक्रमासाठी विशेष मेहनत यामध्ये श्री. सुरेश करलकर,श्री प्रकाश करलकर,श्री.नंदकुमार मुगडे, श्री.अनिल करलकर, श्री.सुमित कांबळे,श्री.विनोद मांजरेकर,श्री. तेजस चव्हाण श्री.समीर परब,श्री.कल्पेश चव्हाण,श्री. उल्हास तुळसकर, श्री.बाबल पावसकर,श्री.विजय आडेकर, श्री.राजन पावसकर,श्री.विजय चव्हाण,श्री.जयवंत मांजरेकर, श्री.दत्ताराम मर्तल,श्री.मंगेश मुणणकर,श्री.अनंत करलकर, यांनी विशेष मेहनत घेतली हा सामना अतिशय रंगतदार व प्रेक्षकांच्या अथांग जनसमुदायाच्या उपस्थितीत मोठ्या उत्साहात संपन्न झाला.