🛑गटविकास अधिकाऱ्यांनी संबंधितावर चौकशीचे आदेश देऊन कारवाईचे आश्वासन दिल्यानंतर मयुर करंगुटकर यांचे उपोषण स्थगित.

🖋️लोकसंवाद /- मालवण.

हडी गावचे ग्रामस्थ मयुर करंगुटकर यांचे हडी ग्रामपंचायत मालकीची उत्पन्नाची आंबा कलमे तोड प्रकरणी कारवाई न केल्यामुळे शासन व पोलिस प्रशासन यांच्या विरोधात गेले चार दिवस ग्रामपंचायत हडी यांचे कार्यालयासमोर आमरण उपोषण सुरू होते.ते उपोषण चौथ्या दिवशी गटविकास अधिकारी मालवण यांनी भेट देऊन या प्रकरणी संबंधितांवर चौकशी करून कारवाई करण्याचे आश्वासन दिले तसेच महसूल विभाग कडून पंचायदी घालून पुढील कारवाई करण्याचे सांगितले त्यानंतर करंगुटकर यांनी आपल्या सहकाऱ्यांशी चर्चा करून गटविकास अधिकारी मालवण यांच्या हस्ते दिलेल्या मुदतीपर्यंत उपोषण स्थगित केले आहे.

तसेच वनविभाग कुडाळ यांनी कारवाई साठी आपली प्रक्रिया सुरू केलेली आहे.या उपोषणास गावातील व गावाबाहेरील असंख्य ग्रामस्थांनी भेट देऊन पाठिंबा दिला त्यांचे सर्वांचे मयूर यांनी आभार मानले तसेच भंडारी समाज सिंधुदुग जिल्हा कार्यकारणी तसेच मालवण भंडारी समाज कार्यकारणी यांनी प्रत्यक्ष भेट दिली तसेच कुडाळ मालवणचे माजी आमदार श्री. वैभवजी नाईक व त्यांचे सहकारी यांनी मोठे सहकार्य केले त्या सर्वांचे मनापासून आभार मानून उपोषण तात्पुरते स्थगित केले.यावेळी हडी गावचे ग्रामस्थ श्री. संतोष अमरे, महेश सुर्वे,रवींद्र सुर्वे,महादेव सुर्वे,रत्नदीप कदम, गौतम कदम, प्रशांत मयेकर, चंद्रकांत पाटकर, दिलीप हडकर, प्रसाद हडकर , ओंकार सुभेदार, आदी ग्रामस्थ उपस्थित होते तसेच ग्रामपंचायत हडी चे कर्मचारी आरोग्य विभाग कर्मचारी पोलिस स्टेशन मालवण चे अधिकारी उपस्थित होते.

तसेच या उपोषण कालावधीत साथ दिलेले ग्रामस्थ,सिंधुदुर्ग जिल्हा भंडारी महासंघ, मालवण तालुका भंडारी मंडळ,माझे हित-चिंतक,अनेक सामाजिक कार्यकर्ते प्रत्यक्ष भेटून फोनद्वारे व इतर माध्यमातून पाठिंबा देऊन सहकार्य केले त्याबद्दल सर्वांचे मयूर करंगुटकर आभार मानले.