🛑भंडारी समाज ऐक्यवर्धक मंडळ वेंगुर्ला च्या अध्यक्षपदी डॉ.आनंद बांदेकर यांची निवड.

🖋️लोकसंवाद /- वेंगुर्ला.

भंडारी समाज ऐक्यवर्धक मंडळ वेंगुर्ला ची सभा तालुका सरचिटणीस डॉ. आनंद बांदेकर यांच्या अध्यक्षतेखाली आज रविवार 12 ऑक्टोबर रोजी मंडळाच्या कार्यालयात संपन्न झाली. यावेळी भंडारी समाज ऐक्यवर्धक मंडळ वेंगुर्ला च्या अध्यक्षपदी डॉ.आनंद बांदेकर यांची एकमताने निवड करण्यात आली.

यावेळी पुढील तीन वर्षासाठी  2025-26, 2026-27, 2027-28 या कालावधीसाठी नवीन कार्यकारिणी निवडण्यात आली. अध्यक्षपदी प्रा. ऍड. डॉ. आनंद बांदेकर, उपाध्यक्षपदी ऍड. श्याम गोडकर, उपाध्यक्षपदी गजानन गोलतकर , सरचिटणीसपदी डॉ. जी. पी. धुरी, सहचिटणीसपदी माजी नगरसेविका श्रेया मयेकर, खजिनदारपदी सुरेश बोवलेकर यांची एकमताने निवड करण्यात आली. तसेच कार्यकारिणी सदस्य म्हणून रमण शंकरराव वायंगणकर, विकास वैद्य, दीपक कोचरेकर, भरत आवळे, रमेश नार्वेकर, सदानंद केरकर, श्रेया  मांजरेकर,  जयराम वायंगणकर राजेंद्र  कांबळी. स्वीकृत सदस्य म्हणून प्रा.डॉ. सचिन परुळकर व आत्माराम सोकटे तसेच सल्लागारपदी गुरुनाथ कांबळी,  भाऊ आंदुर्लेकर यांची एकमताने निवड  करण्यात आली.  यावेळी मंडळाचे मावळते अध्यक्ष ऍड. श्याम गोडकर यांनी गेल्या तीन वर्षात मंडळाने राबविलेल्या सर्व उपक्रमांचा आढावा घेतला व समाजाप्रती असलेल्या आदरभावाने काही अंशी समाजाचे ऋण फेडता आल्याबद्दल समाधान व्यक्त करून सर्व संचालकांच्या सहकार्याबद्दल आभार व्यक्त केले. यावेळी आर. के. पाटकर हायस्कूलचे मुख्याध्यापक आत्माराम सोकटे हे सेवानिवृत्त झाल्याबद्दल मंडळाच्या वतीने त्यांचा शाल,श्रीफळ देऊन सत्कार करण्यात आला.यावेळी नूतन अध्यक्ष डॉ. आनंद बांदेकर म्हणाले की, आपण सर्वानी एकमताने माझी अध्यक्ष म्हणून निवड केल्याबद्दल आभार मानले व सर्व कार्यकारिणी यांच्या सहकार्याने मंडळाचे कार्य अबाधित राहण्यासाठी प्रयत्न करून भंडारी समाज संघटित करण्यासाठी गावोगावी बैठकांचे नियोजन करण्यात येईल व त्यासाठी समाजातील दानशूर व्यक्तींनी मंडळाला सहकार्य करावे असे आवाहन करण्यात आले. यावेळी नूतन अध्यक्ष डॉ. आनंद बांदेकर यांचा शाल, श्रीफळ देऊन सत्कार करण्यात आला. तसेच कार्यकारिणी सदस्यांचे अभिनंदन करण्यात आले. यावेळी रमण वायंगणकर, सुरेश बोवलेकर यांची समयोचित भाषणे झाली. नूतन तालुका सरचिटणीस डॉ. जी. पी. धुरी यांनी आभार मानले.