🛑 “एक पेड माँ के नाम” अंतर्गत अणसूर येथे 100 वृक्ष लागवड.

🖋️लोकसंवाद /- वेंगुर्ला.

मुख्यमंत्री समृद्ध पंचायतराज अभियानांर्तगत ‘एक पेड माँ के नाम अभियानाच्या अनुषगांने अणसूर कार्यक्षेत्रात विविध प्रकारची १०० झाडे लावण्यात आली. तसेच माझी वसुधेरा’ या अभियानांतर्गत १५० झाडे लावण्यात आली आहेत. सहद्यस्थितीत बदलत्या हवामानाचा परिणाम सजीवसृष्टीसह अन्य क्षेत्रांवरही होत आहे. अशा स्थितीत वृक्ष लागवड महत्त्वाची मानली जाते. जेणेकरून पर्यावरणाचा समतोल राखण्यास मदत होईल. म्हणूनच एक पेड माँ के नाम या अभियानाच्या माध्यमातून आणखी जास्तीत जास्त पर्यावरणपूरक झाडे लावण्याचा ग्रामपंचायतचा उद्देश आहे. या अभियानाचा शुभारंभ ग्रामपंचायत अणसूर येशील ग्रामपंचायत अधिकारी सायली सातोसे यांच्या हस्ते करण्यात आला. याप्रसंगी सरपंच  सत्यविजय गावडे, उपसरपंच वैभवी मालवणकर, ग्रामपंचायत सदस्य साक्षी गघडे, संयमी गावडे, वामन गावडे, सुधाकर गावडे, आशा सेविका अनुष्का तेंडोलकर, अंगणवाडी सेविका अनिषा गावडे, मदतनिस अन्नपूर्णा गावडे, आणि अकुंश तेंडोलकर आदी उपस्थित होते.