🛑बँक ऑफ इंडिया चे ए.टी.एम फोडल्या प्रकरणी आरोपींची जामिनावर मुक्तता.;अॅड. विवेक मांडकुलकर यांचा युक्तिवाद.

🖋️लोकसंवाद /- कुडाळ.

कुडाळ झाराप येथील बँक ऑफ इंडियाचे ए.टी.एम फोडल्या प्रकरणी दि.२५/०९/२०२५ रोजी कुडाळ येथील मे.न्यायाधीश यांनी आरोपींची जामिनावर मुक्तता केली.आरोपीच्या वतीने अॅड. विवेक भालचंद्र मांडकुलकर यांनी केलेला युक्तिवाद ग्राह्य मानून जामिनावर मुक्तता केली तसेच अॅड.प्रणाली मोरे, अॅड.विनय मांडकुलकर, अॅड.वृषांग जाधव, अॅड.सुयश गवंडे यांनी काम पाहिले.

कुडाळ पोलीस ठाणे गुन्हा रजिष्टर नं. ३१८/२०२५ चे कमी आरोपी यांचेवर भारतीय न्याय संहिता कलम ३३१(४), ३०५, ६१(२), ६२, ३(५) तसेच शास्त्र अधिनियम चे कलम ४(२५) अन्वये गुन्हा दाखल झालेला असून आरोपी यांना दिनांक २०/०९/२०२५ रोजी अटक करून दिनांक २०/०९/२०२५ रोजी कुडाळ येथील मे. न्यायालयात हजर केले असता मे. न्यायालयाने दि २४/०९/२०२५ रोजीपर्यंत आरोपी यांची पोलीस कोठडीत रवानगी केलेली आहे.आरोपियांची दि.२४/०९/२०२५ रोजी न्य्यालयीन कोठडीत रवानगी केली.

सदर गुन्ह्याची हकीगत अशी कि,दि.१८/०९/२०२५ रोजी पाहते सुमारे २.३१ वा. बँक ऑफ इंडिया शाखा, झाराप, ता-कुडाळ येथील ए.टी.एम मध्ये दोन अज्ञात इसम यांच्या सोबत ओक्सिजेन सिलीनडर व बरोबर इतर साहित्य घेऊन ए.टी.एम मशिने मध्ये चोरी करण्याचा प्रयत्न केला म्हणून फिर्यादीने दिलेल्या फिर्यादीवरून आरोपी विरुद्ध भारतीय न्याय संहिता कलम ३३१(४), ३०५, ६१(२), ६२, ३(५) तसेच शास्त्र अधिनियम चे कलम ४(२५) अन्वये गुन्हा दाखल आहे.

सदर गुन्ह्याच्या कामी आरोपी क्र.३,४,५ तर्फे ॲड. विवेक भालचंद्र मांडकुलकर यांनी कुडाळ येथील मे.न्यायालयात दिनांक २४/०९/२०२५ रोजी आरोपी क्र.३,४,५ यांचा जामीन अर्ज दाखल केला व त्याची सुनावणी २५/०९/२०२५ रोजी झाली. मे.न्यायालया समोर झालेला युक्तिवाद मे. न्यायालयाने ग्राह्य मानून व दाखल केलेल्या कागदपत्रांचा विचार करून आरोपीला योग्य त अटी-शर्तीवर व रक्कम रु.५० हजार रक्कमेच्या जामिनावर मुक्तता करण्यात आली. आरोपीच्या वतीने ॲड. विवेक मांडकुलकर, ॲड. प्रणाली मोरे, ॲड. विनय मांडकुलकर, ॲड. वृषांग जाधव, व ॲड. सुयश गवंडे यांनी काम पाहिले.