🛑भारतीय टपाल विभागाच्या सेवा व सुविधाचा लाभ घेऊन जीवन समृद्ध करा.;सहाय्यक अधिक्षक श्री. मस्कर.

◼️आडेली येथे ‘डाक सेवा जन सेवा’ अंतर्गत ‘ डाक चावडी’ कार्यक्रमांस प्रतिसाद.

🖋️लोकसंवाद /- वेंगुर्ला.

सिंधुदुर्ग डाक विभाग अंतर्गत आडेली पोस्ट ऑफिस तर्फे,आडेली ग्रामपंचायत सभागृह येथे आज बुधवारी ‘डाक सेवा जन सेवा’ अंतर्गत ‘ डाक चावडी’ कार्यक्रमाचे आयोजन करण्यात आले होते, यास ग्रामस्थांचा चांगला प्रतिसाद लाभला. यावेळी सावंतवाडी उपविभागाच्या पदाधिकारी यांनी भारतीय टपाल विभागाच्या विविध योजनांविषयी विस्तृत मार्गदर्शन केले व भारतीय टपाल विभागाच्या सेवा व सुविधाचा लाभ घ्या व आपले जीवन समृद्ध करा असे आवाहन केले.

कार्यक्रमाचे उदघाटन आडेली सरपंचा यशस्वी कोंडसकर यांच्या हस्ते दिपप्रज्वलनाने झाले.
व्यासपीठावर उपसरपंच परेश हळणकर, सावंतवाडी उपविभागाचे सहाय्यक अधिक्षक श्री. मस्कर, पोस्टल असिस्टंट श्री. घोळवे, श्री. मार्गी ,
तंटामुक्ती समिती अध्यक्ष अविनाश तोरसकर, माजी सरपंच शुभांगी गडेकर, राजू सामंत, आबा आरोलकर, माजी ग्रामपंचायत सदस्य विष्णू उर्फ तात्या कोंडसकर, उदय आडेलकर, खानोली शाखा बीपीएम श्री. सावूळ, नेमळे बीपीएम श्री. डिचोलकर, नेमळे एबीपीएम श्री. लोके, मठ बीपीएम श्री. मुंडये, आडेली बीओचे बीपीएम विकास शेणई, एबीपीएम आर. पी. म्हापणकर, पोस्टल असिस्टंट पूजा ठाकूर आदी उपस्थित होते. यावेळी सावंतवाडी उपविभागाचे सहाय्यक अधिक्षक श्री. मस्कर यांनी भारतीय टपाल विभागाच्या सेव्हिंग अकाऊंट, आर.डी. अकाउंट, टर्म डिपॉसिट, ग्रामीण जीवन विमा, टपाल विमा, इंडिया पोस्ट पेमेंट बँक, अपघाती विमा, हेल्थ इन्शुरन्स इ. योजनांची माहिती दिली. ग्रामस्थांनी या संधीचा लाभ घेत नवीन खाती उघडणे, विमा योजना समजून घेणे, आणि इंडिया पोस्ट पेमेंट बँकेच्या सुविधा यांचा लाभ घेतला. कार्यक्रम यशस्वी करण्यासाठी ग्रामपंचायत व पोस्ट विभागाने विशेष परिश्रम घेतले.कार्यक्रमाचे सूत्रसंचालन व आभार विकास शेणई यांनी मानले.