🛑मायानक भंडारी सभागृहाचे उदघाटन,मायनाक भंडारी यांचा इतिहास नव्या पिढीला कळला पाहिजे.;पालकमंत्री नितेश राणे.

🖋️लोकसंवाद /- सिंधुदुर्ग.

मायनाक भंडारी हे छत्रपती शिवाजी महाराज यांच्या सोबत अनेक किल्ले काबिज करण्यात हातभार होता.ते पहीले आरमार प्रमुख अपराजित योध्दा असल्याने आज दिनांक 15.08.2025.रोजी नियोजन सभागृहाला मायनाक भंडारी हे नामकरण करत असल्याचे प्रतिपादन सिंधुदुर्ग जिल्ह्याचे पालकमंत्री ना.नितेश राणे यांनी केले.

जिल्हाधिकारी कार्यालयातील अद्यावत बनवलेल्या नियोजन सभागृहाला अपराजित योध्दा मायनाक भंडारी सभागृह असे नामकरण करण्यात आले यावेळी ना नितेश राणे बोलत होते.ना राणे आणि आमदार दीपकभाई केसरकर यांच्या शुभहस्ते या सभागृहाचे उद्घाटन करण्यात आले.यावेळी ना राणे बोलताना पुढे म्हणाले भंडारी समाज या जिल्ह्यात मोठया प्रमाणात आहे परंतु छत्रपती शिवाजी महाराज यांच्या सोबत अपराजित योध्दा मायनाक भंडारी यांनी आरमार प्रमुख पदाची जबाबदारी घेऊन अनेक किल्ले काबिज केले.आजही इतिहास त्यांचा बोलता चालता आहे.

जिल्हा भंडारी महासंघाने माझ्याकडे दोन मागण्या केल्या आहेत.त्यातील मायनाक भंडारी यांचे नामकरण आणि दुसरे कुडाळ येथे सिंधुदुर्ग जिल्हा भंडारी महासंघाचे भवन या दोन मागण्या पैकी एक मागणी आज पुर्ण केली आणि जिल्हा भंडारी भवनाचे भुमी पुजन याच गणेत्शोव काळात करुन दिलेला शब्द पुर्ण करु असे पालकमंत्री नितेश राणे यांनी सांगितले.

यावेळी आमदार दीपकभाई केसरकर यांनी आपल्या मनोगतात सांगितले, भंडारी समाजाचा इतिहास फार मोठा आहे. मुंबई वसली ती थोर समाज सेवक व दानशुर व्यक्ती कै भागोजीशेठ किर यांच्या मुळे. म्हणून आपणही सिंधुदुर्ग जिल्ह्यातील भंडारी समाजाच्या कामासाठी सदैव तत्पर आहोत. भंडारी भवन व्हावे पण मच्छिंद्र कांबळी वसतीगृह सुध्दा याच ठिकाणी व्हावे अशी अपेक्षाही श्री केसरकर यांनी व्यक्त केली.

यावेळी व्यासपीठावर ना नितेश राणे, आमदार दीपक केसरकर, जिल्हाधिकारी अनिल पाटील, पोलीस अधीक्षक डॉ दहीकर, उपजिल्हाधिकारी शुभांगी साठे, मुख्य कार्यकारी अधिकारी खेबुडकर, उपजिल्हाधिकारी मच्छिंद्र सुकटे, भारतीय जनता पक्षाचे जिल्हाध्यक्ष प्रभाकर सावंत, जिल्हा बँकेचे अध्यक्ष मनिश दळवी, भंडारी समाजाचे नेते अतुल बंगे, जिल्हा भंडारी समाज जिल्हा अध्यक्ष हेमंत करंगुटकर, कार्याध्यक्ष राजु गवंडे, सावंतवाडी तालुका भंडारी समाज मंडळ अध्यक्ष श्री प्रसाद आंरवदेकर, मालवण तालुका भंडारी समाज मंडळ अध्यक्ष श्री रवी तळाशीलकर, मायनाक भंडारी यांचे वंशज रत्नागिरी प्रशांत मायनाक, मालवण वायरी व मालवण आंबेरी येथील मायनाक वंशज, दर्शन कुडव, राजन कोरगावकर, जिल्हा परिषद माजी शिक्षण व आरोग्य सभापती गुरुनाथ पेडणेकर,शरद पावसकर, भरत आवळे, पपु चिपकर, श्री.आरोलकर, प्रमोद चिंदरकर,रुपेश पावसकर,सरमळकर उपस्थित होते.