🛑वेंगुर्ला शहरात मोकाट मोकाट फिरणाऱ्या कुत्र्यांचा धुमाकुळ प्रशासनांचे दुर्लक्ष.;ॲड. मनीष सातार्डेकर.

🖋️लोकसंवाद /- वेंगुर्ला.

वेंगुर्ला शहरात मोकाट फिरणाऱ्या कुत्र्यांचा प्रश्न ऐरणीवर असून वेंगुर्ला नगरपरीषदेचा मात्र याकडे दुर्लक्ष होत असल्याचा आरोप सामाजिक कार्यकर्ते ॲड. मनीष सातार्डेकर यानी केला आहे. वेंगुर्ला शहरात मोकाट फिरणाऱ्या कुत्र्यांची संख्या दिवसाघडीक वाढत असून या मोकाट फिरणाऱ्या कुत्र्यांचा प्रचंड त्रास वाहनचालकांना तसेच पादचाऱ्यांना होत आहे. अश्या मोकाट फिरणाऱ्या कुत्र्यांमुळे बऱ्याचवेळा अपघात होतात तसेच असे मोकाट फिरणारे कुत्रे वाहनचालक पादचारी तसेच शाळकरी मुले यांच्या अंगावर धावुन जातात कधी कधी तर चावा देखील घेतात. त्यामुळे या मोकाट कुत्र्यांचा प्रचंड त्रास वेंगुर्ला शहरवासीयांना सहन करावा लागत आहे अशा मोकाट फिरणाऱ्या कुत्र्यांची संख्या दिवसाघडी वाढत असुन असे मोकाट फिरणारे कुत्रे रात्रदिवस मोठ मोठ्याने भुकणे, रडणे असे प्रकार करत असल्याने त्याचा देखील प्रचंड त्रास शहरवासीयांना विनाकारण भोगावा लागत आहे. अशा मोकाट फिरणाऱ्या कुत्र्यांच्या वाढणाऱ्या संख्येवर नियंत्रण ठेवण्यासाठी अशा कुत्र्यांची नसबंदी करणे आवश्यक
असते मात्र प्रशासनाकडुन यावर कोणतीही उपाययोजना केली जात नसल्याने अशा मोकाट फिरणाऱ्या कुत्र्यांची संख्या दिवसाघडी वाढत आहे. काही दिवसापुर्वी अशा
मोकाट फिरणाऱ्या कुत्र्यांनी एका लहान शाळकरी मुलाचा चावा घेवुन त्याला गंभीर जखमी केल्याची घटना घडलेली आहे त्यामुळे त्याची गंभीर दखल नगरपरिषदेच्या
मुख्याधिकाऱ्यांनी वेळीच घ्यावी अन्यथा स्वतः हातात काठी न घेता व सोबत कोणाला न घेता रात्रौ सुमारे ११.०० वाजण्याच्या सुमारास शहरातुन एक फेरफटका मारावा असे आव्हान देखील ॲड. मनीष सातार्डेकर यानी मुख्याधिकाऱ्यांना केले आहे.
त्यामुळे मोकाट फिरणारे कुत्रे व दिवसाघडी त्यांची वाढणारी संख्या याकडे नगरपरिषदेने गांभिर्याने लक्ष देवुन अशा मोकाट फिरणाऱ्या कुत्र्यांच्या वाढत्या संख्येवर नियंत्रण ठेवण्यासाठी नसबंदीसारख्या उपाययोजना त्वरीत राबविणे अत्यंत आवश्यक आहे याचे कारण अशा मोकाट फिरणाऱ्या कुत्र्यांची संख्या अशीच दिवसाघडी वाढत राहिल्यास शहरात माणसे कमी आणि कुत्रे जास्त अशी परिस्थिती लवकरच निर्माण होणारी आहे. मोकाट फिरणाऱ्या कुत्र्यांमुळे शहरातील लोकांना तसेच शाळकरी मुलांना रस्त्यावर फिरणे देखील कठीण होणारे आहे. त्यामुळे वेंगुर्ला नगरपरिषदेने याकडे गांभिर्याने लक्ष देवुन अशा मोकाट फिरणाऱ्या कुत्र्यांच्या नियंत्रणाकरीता लवकरात लवकर उपाययोजना कराव्यात अन्यथा वेंगुर्ला वासियांच्या सहनशिलतेचा अंत होवुन त्याचे गंभीर परिणाम नगरपरिषद व संबंधीत अधिकारी याना भोगावे लागतील असा इशारा सामाजिक कार्यकर्ते ॲड. मनीष सातार्डेकर यानी दिला आहे.