🛑सरकारी आकारीपड जमिनीमधील झाडे तोडलेप्रकरणी आरोपीची अपिलात निर्दोष मुक्तता.;अॅड. राजीव बिले यांचा युक्तिवाद.

🖋️लोकसंवाद /-  कुडाळ.

रामचंद्र बाळा सावंत आणि सागर महादेव सावंत, विश्वजीत बळीराम पालव, दिपेश भाऊ कदम आणि आनंद भिवा घोगळे सर्व राहणार निवजे ता. कुडाळ जि. सिंधुदुर्ग यांनी सरकारी जमिनीमधील झाडे तोडलेचे आरोपाखाली भारतीय वन अधिनियम कलम ४१ आणि कलम २६फ व इ अंतर्गत वरील आरोपींच्या विरोधात गुन्हा दाखल केला होता. सदरहू गुन्ह्यांमध्ये आरोपी रामचंद्र बाळा सावंत याचे ताब्यातील MH-07/P-1437 ही गाडी वनखात्याचे अधिकारी रामकृष्ण बुवा सानप यांनी जप्त केली होती.सदरील गुन्ह्याचे काम कुडाळ येथील न्यायदंडाधिकारी साहेब यांच्या न्यायालयात चालले असता सर्व आरोपींना दोषी ठरवून जप्त केलेली गाडी सरकार जमा करण्याचा आदेश तत्कालीन कुडाळ न्यायदंडाधिकारी साहेब यांनी केला होता.आणि प्रत्येक आरोपीला प्रत्येकी ६००/-रुपये दंड भरण्याचा आदेश सुद्धा केला होता. सदरील आदेशाचे विरुद्ध रामचंद्र बाळा सावंत यांनी ओरोस येथील सत्र न्यायाधीश न्यायालयामध्ये फौजदारी अपिल नंबर ३९/२०१९ हे अपील दाखल केले होते. या अपीलामध्ये आरोपीतर्फे अॅड. राजीव बिले, अॅड. दत्ताराम बिले, अॅड. हेमांगी वराडकर यांनी काम पाहिले.युक्तिवादाच्या वेळी आरोपीचे वकिलांनी प्रत्यक्ष झालेल्या पुण्याचा आणि जप्त केलेल्या MH-07/P-1437 या जीपचा काही संबंध नाही हे सत्र न्यायाधीश व्ही. एस. देशमुख यांचे निदर्शनास आणून दिले. त्यामुळे सदरील अपील मान्य करण्यात आले आणि आरोपी रामचंद्र बाळा सावंत यांची निर्दोष मुक्तता करण्यात आली.आणि दंडाची घेतलेले रक्कम परत करण्याचा आदेश सत्र न्यायाधीशांनी केला. त्याचबरोबर आरोपी जप्त केलेली गाडी MH-07/P-1437 सोडण्याचा आदेश सत्र न्यायाधीश साहेब व्ही.एस.देशमुख यांनी दिनांक 31.07.2025.यातारखेने आदेश केला आहे.