🛑वेंगुर्ला महसूल मंडळ विभागातर्फे रक्तदात्यांना आवाहन.

🖋️लोकसंवाद /- वेंगुर्ला.

वेंगुर्ला महसूल मंडळ विभागातर्फे रक्तदात्यांना आवाहन रक्ताची भासणारी कमतरता भरून काढण्याकरिता, महसूल मंडळ वेंगुर्लातर्फे रक्तदान शिबिराचे आयोजन करण्यात आले आहे.

जिल्ह्यामधील शासकीय रक्तपेढीतर्फे गरजू रुग्णांना त्यांच्या आवश्यकतेप्रमाणे रक्ताचा पुरवठा करण्यात येतो. सद्यस्थितीत जिल्ह्यातील रक्तपेढीकडे रक्ताची कमकरता असल्याने, ती भरून काढण्याकरिता रक्ताची नितांत आवश्यकता आहे. यातील खारीचा वाटा उचलावा म्हणून, *महसूल मंडळ वेंगुर्ला यांचेतर्फे खर्डेकर कॉलेज वेंगुर्ला येथे, दि.19 जून 2025 रोजी सकाळी 10 –00 ते 4–00 या वेळेत रक्तदान शिबिराचे आयोजन करण्यात आले आहे.

म्हणून वेंगुर्ला तालुक्यातील तसेच आपल्या जिल्ह्यातील रक्तदात्यांना/नागरिकांना आवाहन करण्यात येत आहे की,*या समाजसेवी पुण्य कामात, रक्तदान करून आपण सहभागी व्हावे* असे आवाहन महसूल मंडळ अधिकारी विनायक कोदे व श्रीमती मनोरमा महादेव चौधरी चॅरिटेबल ट्रस्टचे अध्यक्ष दयानंद चौधरी यांनी केले आहे.