🛑आचरा डोंगरेवाडी महिलांनी साजरा केला वडाचा वाढदिवस पर्यावरण पूरक वृक्षांची लागवड करत दिला पर्यावरण संवर्धनाचा संदेश.

🖋️लोकसंवाद /- आचरा.

रस्ता रुंदी करणात कोसळलेल्या वट वृक्षाच्या जागी गेल्या वर्षी वटपौर्णिमेच्या आदल्या दिवशी लागवड केलेल्या वटवृक्षाचा वाढदिवस साजरा करत आचरा डोंगरेवाडी ग्रामस्थांनी पर्यावरण संवर्धनाचा संदेश दिला आहे. यावेळी कडूनिंबाच्या वृक्षांचीही लागवड केली गेली.

विकास होत असताना जुन्या वृक्षांची तोड होत असते.बहुतांशी रस्त्याकडेला असलेल्या वटवृक्षाची जो पर्यावरणात महत्वाची भुमिका बजावतो अशा वटवृक्षाची यात हानी होत असते. मात्र प्रत्येक वेळी त्याची पुर्नलागवड केली जाते असे नाही. मात्र डोंगरे वाडी येथील पर्यावरण प्रेमी रविंद्र बागवे आणि सहका-यांनी गेल्यावर्षी वटपौर्णिमेच्या पुर्वसंध्येला वटवृक्षाची विधिवत लागवड केली होती. बरोबर एक वर्षानी वटपौर्णिमेच्या आदल्या दिवशी सोमवारी डोंगरेवाडी येथील ग्रामस्थांनी एकत्र येत वटवृक्षाचा वाढदिवस साजरा केला. यावेळी पर्यावरणात महत्वाच्या कडूनिंबाच्या रोपांचीही लागवड केली.यावेळीरिद्धी बागवे श्रद्धा दूखंडे एकता राणे सरीता राणे श्रद्धा बागवे सविता आचरेकर प्रगती आचरेकर सायली राणे सृष्टी राणे कार्तिकी राणे पूनम दूखंडे गौरवी बागवे मृगेश बागवे प्रथमेश आचरेकर साहील बागवे जय बागवे शैलेंद्र राणे मिलिंद आचरेकर आणि रविंद्र बागवे.आदी सहभागी झाले होते. डोंगरेवाडी ग्रामस्थांचा पर्यावरण संवर्धनाचा अनोखा उपक्रम पर्यावरण संवर्धनाचा संदेश देत आहे.