🛑सिंधुदुर्ग जिल्हा शास निमशासकीय कर्मचारी पतपेढी अध्यक्ष पदी श्री.श्री.प्रसाद कुंटे तर,उपाध्यक्ष पदी सौ.विनयश्री पेडणेकर यांची निवड.

🖋️लोकसंवाद /- सिंधुदुर्ग.

सिंधुदुर्ग जिल्हा शासकीय निमशासकीय सह.बँक इत्यादी कर्मचारी सहकारी पतपेढी मर्या.सिंधुदुर्ग,मुख्य कार्यालय कुडाळ अध्यक्षपदी श्री.प्रसाद नारायण कुंटे व उपाध्यक्षपदी सौ.विनयश्री हरी पेडणेकर यांची बिनविरोध निवड करण्यात आली.सदर पतपेढी मध्ये सिंधुदुर्ग जिल्हयातील सर्व विभागातील शासकीय निमशासकीय कर्मचारी सभासद आहेत.

सर्व शासकीय निमशासकीय विभागातील कर्मचारी सभासद समाविष्ट करणारी ही सिंधुदुर्ग जिल्हयातील संस्था आहे. संस्थेची सन २०२५-२६ ते सन २०३०-३१ ची पंचवार्षिक निवडणूक एप्रिल २०२५ मध्ये संपन्न झाली. त्यावेळी १४ सदस्यांची बिनविरोध निवड झालेली होती.

दि. ०७ मे २०२५ रोजी निवडणूक निर्णय अधिकारी मा.श्री. प्रशांत प्र. साळगांवकर यांच्या अध्यक्षतेखाली सदर अध्यक्ष व उपाध्यक्ष पदाची निवड संपन्न झाली. अध्यक्ष पदाासाठी सुचक म्हणून संचालक श्री. दिलीप महादेव मसके यांनी श्री. प्रसाद नारायण कुंटे यांचे नाव सुचविले तर संचालक श्री. शंकर अंकुश चव्हाण यांनी अनुमोदन दिले. तसेच उपाध्यक्ष पदासाठी सुचक म्हणून संचालक श्री. मंगेश विठठल राऊत यांनी सौ. विनयश्री हरी पेडणेकर यांचे नाव सुचविले तर संचालक श्री. अर्जुन देवु नाईक यांनी अनुमोदन दिले. सदर पदांसाठी एक एकच अर्ज आले असल्याकारणाने सदर निवडीला सर्व संचालकांनी मंजुरी दिल्याने अध्यक्ष म्हणून श्री. प्रसाद कुंटे व उपाध्यक्षा म्हणून सौ. विनयश्री पेडणेकर यांची निवडणुक निर्णय अधिकारी श्री. साळगांवकर यांनी बिनविरोध निवड झाल्याचे जाहीर केले.

यावेळी उपस्थित नुतन संचालक श्री. संजय गावडे, श्री. वसंतराव पाटोळे, श्री. राजेश कुडाळकर, श्री. दिलीप मसके, श्री. मंगेश राऊत, श्री. अर्जुन नाईक, श्री. दिनकर केळकर, श्री. लक्ष्मण वळवी, श्री. शंकर चव्हाण, श्री. शामराव बिरादार, श्री. हेमंत सावंत, श्री. प्रज्योत सावंत, तसेच श्री. उदय शिरोडकर, श्री. सुंदर म्हापणकर, श्री. नितीन जठार, सचिव श्री. रामचंद्र दळवी व कर्मचारी वृंद यांनी नुतन अध्यक्ष व उपाध्यक्षांचे अभिनंदन केले.