मारहाणीच्या गुन्हयात आरोपी विरुद्ध 24 तासांत दोषारोपपत्र दाखल.;कुडाळ पोलीसांची कौतुकास्पद कामगिरी..

लोकसंवाद /- कुडाळ.

समाज्यामध्ये अनेक ठिकाणी वेगवेगळ्या कारणावरुन मारहाण करुन शरीराविषयी गुन्हयांच्या घटना घडतात नागरीकांच्या तक्रारीची पोलीस ठाणे स्तरावर दखल घेऊन आरोपीत यांचे विरुदध गुन्हा नोंद करण्यात येतो.सदर गुन्हयाचा तपास करुन आरोपीत यांचे विरुदध मा. न्यायालयात दोषारोपपत्र दाखल करण्यात येते.ज्या नागरींकावर अन्याय झालेला असतो अशा नागरीकांना न्याय मिळणे करिता विलंब होवु नये व आरोपीत यांना लवकरात लवकर शिक्षा व्हावी या करिता दुखापतीचे गुन्हे पोलीस ठाण्यात दाखल होताच सदर गुन्हयाचा तात्काळ तपास करुन दोषारोप पत्र मा. न्यायालयात सादर करणे बाबत श्री. सौरभ कुमार अग्रवाल, पोलीस अधीक्षक सिंधुदुर्ग व श्री. कृषीकेश रावले, अपर पोलीस अधीक्षक सिंधुदुर्ग यांनी सिंधुदुर्ग जिल्हयातील सर्व पोलीस ठाणे प्रभारी अधिकारी यांना आदेश देण्यात आलेले आहेत.

कुडाळ पोलीस ठाणे कार्यक्षेत्रात वरची कुभांरवाडी येथे राहणारा आरोपीत गुरुप्रसाद दशरथ कुंभार वय 34 वर्ष हा त्याची पत्नी सौ. ग्रिष्मा गुरुप्रसाद कुंभार वय 32 हिस मारहाण करित असल्याने ती आरोपीत याचे सोबत न राहता विभक्त राहत होतो. त्या कारणावरुन दिनांक-12.03.2025 रोजी रात्री 22.45 वाजताचे मानाने आरोपीत गुरुप्रसाद दशरथ कुंभार वय 34 वर्षे यांने आपले पत्नीस लाकडाने तोंडावर मारुन तिला ढकलुन दुखापत करुन शिवीगाळी केले बाबत फिर्यादी सौ. ग्रिष्मा गुरुप्रसाद कुंभार यांनी दिले तक्रारी वरुन सदर आरोपी विरुदध कुडाळ पोलीस ठाणे येथे दिनांक-13.03.2025 रोजी 06.48 वाजता दुखातीचा गुन्हा दाखल करण्यात आला होता. वरीष्ठानी दिलेल्या आदेशाप्रमाणे कुडाळ पोलीस ठाण्याचे पोलीस निरीक्षक श्री. राजेंद्र मगदूम यांनी सदर गुन्हयाची तात्काळ दखल घेऊन सदर गुन्हयाचा तपास तात्काळ सुरु केलजा व आरोपीत याचे विरुदध सबळ पुरावा जमा करुन दोषारोप पत्र 24 तासाचे आत मा.प्रथम वर्ग न्यायदंडाधिकारी, कुडाळ यांचे न्यायालयात दाखल केलेले आहे.

सदर गुन्हयाचा तपास श्री. राजेंद्र मगदुम, पोलीस निरीक्षक, कुडाळ पोलीस ठाणे यांचे मार्गदर्शनाखाली सहा. पोलीस उपनिरीक्षक देवानंद माने, दयानंद चव्हाण, पोलीस हवालदार सचिन गवस, स्वप्नील चव्हाण पोकी योगेश मुंढे यांचे पथकाने फिर्यादी यांना न्याय मिळवून देणे करिता तपास 24 तासात पूर्ण करुन आरोपीत विरुदध मा. न्यायालयात दोषारोप पत्र दाखल केले. या त्यांच्या कामगिरीबददल श्री. सौरभ कुमार अग्रवाल, मा. पोलीस अधीक्षक सिंधुदुर्ग व श्री. कृषीकेश रावले,मा.अपर पोलीस अधीक्षक सिंधुदुर्ग यांनी कौतुक केले आहे.