🛑वैभववाडी पेट्रोल पंपावर आढळला अनोळखी इसमाचा मृतदेह..*

✍🏼लोकसंवाद /- वैभववाडी.

वैभववाडी येथील पोलीस स्टेशन समोरील पेट्रोल पंपावर अज्ञात तरुणाचा मृतदेह आढळून आला आहे. ही घटना काल रात्री उघडकीस आली. दरम्यान तो मृतदेह पोलिसांनी ताब्यात घेतला असून तो नेमका कोणाचा? त्याचा शोध घेण्याचे काम सुरू आहे.

याबाबत अधिक माहीती अशी की, शहरातील पोलीस स्टेशन समोरील पेट्रोल पंपावर ३० ते ४० वयोगटातील तरुणाचा अनोळखी मृतदेह आढळून आला. हा घातपात? की अपघात? अशी चर्चा सुरू आहे. त्या तरुणाच्या टी-शर्टवर इसबादेवी असे लिहिलेले आहे ही घटना आज सकाळी पेट्रोल पंपाच्या मालक यांच्या निदर्शनात आल्यानंतर त्यांनी पोलिसांना याबाबत माहिती दिली.

घटना समजतात सहाय्यक पोलीस निरीक्षक सुनील अवसरमोल, पोलीस अजित पडवळ, हरेश जायभाय, अभिजीत तावडे, जितेंद्र कोलते समीर तांबे, अजय बिलपे यांनी घटनास्थळी धाव घेत घटनेची पाहणी केली व पंचनामा केला असता पोलिसांना ओळखीचा कोणताही पुरावा आढळून आला नाही. वैभववाडी नगरपंचायतीच्या सीसीटीव्हीच्या आधारे त्या व्यक्तीचा अपघात झाला आहे काय? हेही तपासले जात आहे.

अद्यापही मृतदेहाची ओळख पटली नसल्याने हा अपघात की घातपात? असा पोलिसांसमोर पेज निर्माण झाला आहे. देवगड येथील इसबा असे नाव ती शर्ट वर असल्याचे समजते. हा तरुण देवगड येथील आहे का ? त्या दृष्टीने सहाय्यक पोलीस निरीक्षक सुनील अवसरमोल ओळख पटवण्यासाठी चौकशी करीत आहेत. हा तरुण काल बाजारपेठेत फिरत असल्याची ही चर्चा सुरू आहे.