🛑आंबोली परिसरात जिल्ह्यातील अन्य ठिकाणी पकडलेले वन्य प्राणी सोडु नयेत.; ग्रामस्थांचे नविभागाला निवेदन !

✍🏼लोकसंवाद /- सावंतवाडी.

आंबोली परिसरात जिल्ह्यातील अन्य ठिकाणी पकडलेले वन्य ,जीव,प्राणी सोडु नयेत या बाबतचे लेखी निवेदन आंबोली ग्रामपंचायत आणि ग्रामस्थांच्या वतीने वनविभागाला लेखी निवेदन देऊन सांगण्यात आले आहे.आंबोली वन परीक्षेत्र मध्ये सिंधुदुर्ग जिल्ह्या व कोल्हापूर जिल्ह्यात पकडलेले वन्य प्राणी मुख्यत्वे माकड,बिबटा इत्यादी वन विभागा मार्फत सोडण्यात येतात.त्यामुळे आंबोली परिसरातील जनता गेली कित्येक वर्षे प्रलंबित असलेल्या कबूलयतदार गावकर जमीन प्रश्न मुळे फार मोठा प्रमाणात त्रस्त आहे.आंबोली परिसरातील येथील जनतेला कोणत्याही प्रकारची नुकसान भरपाई भेटत नाही मग ती वन्य प्राण्या मुळे,असो अथवा अतिवृष्टी किंवा अवकाळी वृष्टी असो किंवा इतर नैसर्गिक आप्पत्ती असो,आंबोली परिसरातून बेळगाव व कोल्हापूर या दोन्ही शहरांना जोडणारा रस्ता जातो व वाहतूक मोठया प्रमाणात असते.बऱ्याच वेळा वन्य प्राणी मुख्य रस्त्यावर येऊन अपघात घडत असतात व त्यात वन्य प्राणी व मनुष्य हानी ही मोठया प्रमाणात होत असते.

आंबोली परिसरात मानवी वस्तीत वन्य प्राणी येत असल्यामुळे आंबोली परिसरात नेहमीच वन विभाग, वन्य प्राणी व मनुष्य यांच्यात संघर्ष होत असतो. वन विभाग आंबोली परिसरात जिल्ह्यातील इतर ठिकाणी पकडलेले वन्य प्राणी सोडत असल्याचे समजते.आंबोली परिसरातील ग्रामस्थांवर बऱ्याच वेळेस वन्य प्राण्या कडून हल्ले देखील झाले आहेत.आंबोली परिसरातील पिढ्यान.. पिढ्या राहणारे ग्रामस्थ वन्य प्राण्याच्या त्रासामुळे शेती व्यावसाय सोडत चालला आहे.अश्या प्रकारे विनंती चा लेखी अर्ज करून वन अधिकारी यांना देण्यात आला.जिल्ह्यात इतर ठिकाणी पकडलेले वन्य प्राणी हे आंबोली परिसरात न सोडता त्यांना अभयारान्यात सोडवे जेणे करून दिवसेंदिवस वाढत असलेले वन्य प्राणी व मानव यांच्यात होत असलेले संघर्ष कमी होतील व त्याच वेळेस अपघात होऊन होणारे वन्य प्राणी व मनुष्य व मालमत्ता नुकसान हि कमी होईल. तरी कृपया येथील ग्रामस्थांचा सहानुभूती पूर्वक विचार करून या पुढे वन्य प्राणी आंबोली परिसरात सोडण्यास मनाई करण्यास आपल्या स्तरावरून संबधीत विभागास तातडीने आदेश होण्यास ग्रामस्थांनी आणि ग्रामपंचायत आंबोली यांच्या वतीने विनंती केली आहे.