🛑अखिल भारतीय अंधश्रध्दा निर्मूलन समिती सिंधुदुर्ग कडून कुडाळ पोलिस निरीक्षक यांचे अभिनंदन.

✍🏼लोकसंवाद /- कुडाळ.

अखिल भारतीय अंधश्रद्धा निर्मूलन समिती जिल्हा सिंधुदुर्गच्या वतीने नुकतीच मा . पोलीस निरीक्षक राजेंद्र मगदूम साहेब पोलिस ठाणे कुडाळ यांची त्यांच्या कार्यालयात जाऊन भेट घेतली . पोलिस निरीक्षक राजेंद्र मगदूम साहेब व त्यांच्या सर्व सहकाऱ्यांनी हिर्लोक येथील *अघोरी पूजेचा प्रकार* प्रत्यक्ष जागेवर जाऊन तात्काळ उघडकीस आणला . जादूटोणा आणि काळी विद्येच्या साहित्यासह पाचही आरोपींना अटक करून जादूटोणाविरोधी कायद्यांतर्गत गुन्हा दाखल केला . याबद्दल त्यांचे व त्याच्या सर्व पोलिस सहकारी यांचे अभिनंदन करावे यासाठी अखिल भारतीय अंधश्रद्धा निर्मूलन समिती जिल्हा सिंधुदुर्गचे जिल्हाध्यक्ष ॲड .राजीव बिले ‘ जिल्हा संघटक विजय चौकेकर ‘ जिल्हा सचिव अजित कानशिडे सर ‘ कुडाळ तालुकाध्यक्ष समीर कुलकर्णी ‘ उज्वला येळावीकर , प्राध्यापक संतोष चौघुले संत राऊळ महाराज कॉलेज , ॲड . सावंत सर आदी उपस्थित होते .

यावेळी मगदूम साहेब यांना अभिनंदनाचे पत्र तसेच जादूटोणाविरोधी कायद्याची प्रत आणि श्याम मानव सरांचे पुस्तके भेट देण्यात आले. यावेळी आवळेगाव दूरक्षेत्रचे पोलीस हवालदार मंगेश जाधव सर यांनी प्रत्यक्ष जागेवर जाऊन पाचही आरोपींकडे चौकशी करून सदरचा प्रकार जादूटोणा कायद्यांतर्गत अघोरी होत असल्याचे निदर्शनात येतात तात्काळ त्यांनी मान . राजेंद्र मगदूम साहेब यांच्या निदर्शनात आणले आणि त्यांची पोलीस मदत आल्यानंतर पाचही आरोपांना अटक करण्यात महत्त्वाची भूमिका वटविली . त्यामुळे त्यांचेही अखिल भारतीय अंधश्रद्धा निर्मूलन समितीतर्फे पत्र देऊनअभिनंदन करण्यात आले . त्यांनाही शाम मानव सरांची पुस्तके भेट देण्यात आली.