🛑सख्ख्या भावाला आत्महत्येस प्रवृत्त केल्याप्रकरणी न्यायालयीन कोठडीत असणाऱ्या आरोपीची जामिनावर मुक्तता.;ॲड.विवेक मांडकुलकर यांचा यशस्वी युक्तिवाद.

✍🏼लोकसंवाद /- कुडाळ.

सख्ख्या भावाला आत्महत्येस प्रवृत्त केल्याप्रकरणी न्यायालयीन कोठडीत असणाऱ्या सौ. पूजा योगेश गावडे, रा. माड्याचीवाडी यांची ओरोस येथील मे.प्रमुख जिल्हा व सत्र न्यायाधीश श्री. एच्.बी.गायकवाड यांनी ५०,००० रुपयांच्या जामिनावर मुक्तता केली. आरोपी तर्फे ॲड विवेक मांडकुलकर, ॲड प्रणाली मोरे, ॲड भुवनेश प्रभुखानोलकर, ॲड वृषांग जाधव यांनी काम पाहिले.सविस्तर वृत्त असे की, संशयित आरोपीने आत्महत्येस प्रवृत्त केल्याने रामचंद्र राऊळ यांनी आत्महत्या केली अशी फिर्याद संजना रामचंद्र राऊळ यांनी कुडाळ पोलीस ठाणे येथे दिली होती. त्यानुसार भारतीय न्याय संहिता कलम १०८ अंतर्गत गुन्हा दाखल करून संशयित आरोपी सौ. पुजा योगेश गावडे यांना दिनांक १२/११/२०२४ रोजी अटक करण्यात आली होती. तदनंतर आरोपीची रवानगी न्यायालयीन कोठडीत करण्यात आली होती. दरम्यान आरोपी तर्फे जामीन अर्ज दाखल करण्यात आला होता. आरोपी तर्फे ॲड विवेक मांडकुलकर यांचा युक्तिवाद ग्राह्य मानून मे.न्यायालयाने संशयित आरोपीची ५०,००० रुपयांच्या जामिनावर मुक्तता केली.