🛑 गेळे प्रश्नी मंत्री दीपक केसरकर यांच्यावर टोकाची टीका करणारे संदीप गावडे त्यांच्याच भेटीला.

✍🏼लोकसंवाद /- आंबोली.

गेळे येथील कबुलायतदार गावकर जमीन वाटप प्रश्नावरून शालेय शिक्षण व मराठी भाषा मंत्री दिपक केसरकर यांच्यावर टोकाची टीका करणारे भाजपचे युवा नेतृत्व संदीप गावडे यांनी गेळे सरपंच सागर ढोकरे यांच्या समवेत आंबोली येथे काल रविवारी केसरकर यांची भेट घेऊन चर्चा केली.गेळे येथील कबुलायतदार गावकर जमीन वाटप प्रश्नावर केसरकर यांच्या वर टोकाची टीका संदीप गावडे यांनी केली होती.तसेच जमिन प्रश्न घेऊन जिल्हाधिकारी कार्यालयासमोर उपोषणाला बसले होते. या शिवाय गेळे सरपंच सागर ढोकरे व ग्रामस्थांनी केसरकर याना जमीन प्रश्नावरून गावबंदी केली आहे. यामुळे केसरकर यांचे समर्थक बोलते झाले. त्यानी आठवणी जाग्या केल्या. उंची नसणारे मंत्री केसरकर असे बेताल वक्तव्ये करणारे कसे काय भेट घेण्यासाठी आले. गेळे गावचा जमीन प्रश्न सुटला, आकारफोड नोंदणी झाली, फक्त सातबारा वर नोंद राहीली असे सांगुन गेळे गांवात मंत्री केसरकर याना बंदी असे चौफेर टिका करणारे आता भेटिला का आले ?, हे कुठले बालीश राजकारण असे मत केसरकर समर्थक कार्यकर्ते तसेच शिवसेना गटाचे आंबोली चे विभागप्रमुख सुनिल नार्वेकर, विशाल बांदेकर, विलास गावडे याने व्यक्त केले. ते म्हणाले, आमचे नेते केसरकर यांनी कुणावर बोचरी टिका केली नाही. कबुलायदार गांवकर जमीन प्रश्न हा तीनही गांवचा प्रलंबित आहे तो प्रश्न मंत्री केसरकर हे सोडवणार आहेत. त्याचे श्रेय आपल्याला मिळाले पाहिजे असे प्रयत्न करणाऱ्याच्या पदरात काही पडणार नाही. गेली वीस वर्ष केसरकर याना या कबुलायदार गावकर जमीन प्रश्नांचा अनुभव आहे.