🛑वन विभागाच्या जाणवली कार्यालयाच्या बाजूलाच वनसंज्ञा जमीन क्षेत्रात बेकायदा वृक्षतोड..

▪️आप जिल्हाध्यक्ष विवेक ताम्हणकर यांची उप वन संरक्षक यांच्याकडे तक्रार..

✍🏼लोकसंवाद /- कणकवली.

वन परिक्षेत्र कार्यालय जाणवली, तालुका कणकवली नजीक वनसज्ञा क्षेत्रात झालेल्या वृक्ष तोडी बाबत आम आदमी पक्षाचे जिल्हाध्यक्ष विवेक ताम्हणकर यांनी उप वनसंरक्षक सावंतवाडी यांच्याकडे तक्रार केली आहे.

या तक्रारीत त्यानी म्हटले आहे की, वन परिक्षेत्र कार्यालय जाणवली, तालुका कणकवली नजीक वंसज्ञा क्षेत्रात लहानमोठ्या सुमारे ७० हून अधिक झाडांची तोड झाली असल्याचे निदर्शनास आले आहे. आपल्या अधिकार क्षेत्रातील कार्यालयाच्या बाजूला खुलेआम जंगली झाडांची तोड होत असताना आपले अधिकारी गप्प का बसलेत ही बाब संशयास्पद आहे.

विशेष म्हणजे या जागेत वृक्षतोड करून संबंधित व्यक्तीने जागेचे सपाटीकरण करुन बांधकामाला सुरवात केल्याचे निदर्शनास येत आहे. महामार्गावरून प्रवास करताना सहज नजरेला पडणारी ही वृक्ष तोड आपल्या कार्यालयातील अधिकाऱ्यांच्या लक्षात येऊ नये याचे आच्चर्य वाटते.

वंसज्ञा जमीन क्षेत्रातील या बेकायदा वृक्षतोडीला आपले अधिकारी आणि कर्मचारी जबाबदार आहेत. ही वृक्षतोड वनरक्षक भिरवंडे यांना पूर्णपणे माहित असून त्यानी याकडे डोळेझाक केल्याचे समोर आले आहे. कणकवली परीक्षेत्राचा अतिरिक्त कार्यभार असलेले वनक्षेत्रपाल कुडाळ श्री. संदीप कुंभार आणि संबंधित वनपाल यांच्या संगनमताने ही वृक्षतोड झाली असून या तीनही अधिकाऱ्यांची तात्काळ चौकशी करावी व योग्य ती कारवाई करण्यात यावी.

या प्रकरणी आपल्याकडे तक्रार झाल्यानंतर संबंधित अधिकारी सदर प्रकरणात हस्तक्षेप करुन पुरावे नष्ट करण्याची दाट शक्यता आहे. त्यामुळे तात्काळ संबंधित अधिकाऱ्यांच्या कार्यक्षेत्रात बदल करण्यात यावा अशी मागणीही त्यानी यावेळी केली आहे.