🛑पोलीस उपनिरीक्षक नंदकुमार शेटये यांना उपनिरीक्षकपदी (पीएसआय ) पदोन्नती..

✍🏼लोकसंवाद /- समील जळवी.

सिंधुदुर्ग जिल्हा पोलीस दलात कार्यरत असलेले सहाय्यक पोलीस उपनिरीक्षक नंदकुमार राजाराम शेटये यांना उपनिरीक्षकपदी (पीएसआय ) पदोन्नती मिळाली आहे.या पदोन्नती बाबतचे आदेश पोलीस महासंचालक कार्यालयाकडून त्यांना प्राप्त झाले.सन 2013 मध्ये पोलीस उपनिरीक्षक या पदासाठी त्यांनी परीक्षा दिली होती. त्यामध्ये ते उत्तीर्णही झाले होते. सदर परीक्षा उत्तीर्ण झालेल्यांना सदर पदोन्नतीचे आदेश टप्प्या – टप्प्याने दिले जातात सध्या महाराष्ट्रातून सहा पोलीस उपनिरीक्षक पदे भरण्यात आली आहेत.त्यात सिंधुदुर्ग जिल्ह्यातून श्री शेट्ये याना उपनिरीक्षक पदाच्या बढतीचे आदेश मिळाले.सध्या ते सिंधुदूर्ग जिल्हा पोलीस अधीक्षक कार्यालयात सेवेत होते.आता जिल्हा पोलीस अधीक्षक सौरभ कुमार अग्रवाल यानी उपनिरीक्षक म्हणून सिंधुदुर्ग नियंत्रण कक्षात त्यांची नियुक्ती केली आहे.

श्री शेट्ये सन 1991 साली पोलीस सेवेत रुजू झाले.त्यानंतर त्यांनी कणकवली, कुडाळ ,वेंगुर्ले व सावंतवाडी पोलीस ठाण्यात तसेच नंतर जिल्हा पोलीस अधीक्षक कार्यालयात सेवा बजावली.या कार्यकाळात त्यांनी आपल्या पोलीस दलाशी निगडित सेवा बजावताना त्यांनी पोलीस क्राईम व विभागात प्रामाणिक, तत्पर व कर्तव्यतेने कामगिरी केली.या कार्याची दखल घेऊन पोलीस खात्यामध्ये महत्त्वाचे समजले जाणारे व पोलीस सेवेत असताना केलेल्या चांगल्या कामगिरीबद्दल त्यांना सन 2016 रोजी पोलीस महासंचालक कार्यालयाकडून पोलीस पदक देण्यात आले होते.तत्कालीन पालकमंत्री दीपक केसरकर यांच्या हस्ते सदर पदक देऊन त्यांना सन्मानित करण्यात आले होते.या दलात कार्यरत असताना त्यांनी जनतेशी सलोख्याचे संबंध जीपासले. उपनिरीक्षकपदी बढती मिळाल्यानंतर जिल्हा पोलिस अधीक्षक सौरभ कुमार अग्रवाल यानी रविवारी सकाळी त्यांचे अभिनंदन करून पुढील वाटचालीस शुभेच्छा दिल्या.पोलीस दलातील अन्य अधिकारी – कर्मचाऱ्यांमधून तसेच सर्व स्तरातुन त्यांच्यावर अभिनंदननाचा वर्षाव होत आहे.