🛑मठ येथील मारहाण प्रकरणातील संशयीत आरोपींना मिळाला अटकपुर्व जामीन..

✍🏼लोकसंवाद /- वेंगुर्ला.

वेंगुर्ले – मठ येथील मारहाण प्रकरणातील संशयीत आरोपी प्रसाद केशव मठकर (४० मठ) वगैरे ६ लोकांना ओरोस येथील मा. सत्र न्यायालयाच्या अतिरिक्त सत्र न्यायाधीश व्ही.एस्.देशमुख यानी प्रत्येकी रक्कम रुपये २५ हजार रुपयाचा अटकपुर्व जामीन मंजुर केलेला आहे.सदर प्रकरणी संशयीत आरोपीच्या वतीने ॲड.यतिश खानोलकर व ॲड. मनीष सातार्डेकर यांनी काम पाहीले.

वेंगुर्ले तालुक्यातील मठ येथे तेली मठकर समाजाचे श्री. कुलदेवी भुमीका देवीचे मंदीर असुन सदर देवीचा दि. ३० मे २०२४ रोजी वाढदिवस साजरा करण्यात आला होता. सदर वाढदिवसाला गावातील तसेच गोवा व मुंबई येथील बरेच भावीक उपस्थित होते सदर कार्यक्रमावेळी जमीन जागेच्या व वाटेच्या वादातुन फिर्यादी व आरोपी यांच्यामध्ये वाद होवुन दोन्ही बाजुच्या मंडळींना मारहाण झाली होती. व दोन्ही बाजुच्या मंडळींनी एकमेकांन विरुद्ध वेंगुर्ला पोलिस स्टेशन येथे फिर्याद दिली होती. त्यातील फिर्यादी अमित शांताराम मठकर (४३ मठ) याने आपल्याला प्रसाद केशव मठकर, केशव पांडुरंग मठकर, प्रसाद पांडुरंग मठकर,पांडुरंग दत्ताराम मठकर, शालिनी पांडुरंग मठकर, राघोबा पांडुरंग मठकर यांनी आपल्याला मारहाण करुन आपल्या गळ्यातील सोन्याची चैन खेचुन घेतली अशी फिर्याद वेंगुर्ला पोलिस स्टेशन येथे दिली होती. त्याच्या तक्रारीवरुन संशयीत आरोपी विरुद्ध भा.द.वि कलम १४७,१४३,१४९,३२३,३२४,३२७,३५२ अंतर्गत गुन्हा नोंद करण्यात आला होता.तर केशव पांडुरंग मठकर यांनी देखील फिर्यादी यांनी मारहाण करुन गळ्यातील सोन्याची चैन खेचुन घेतली अशी फिर्याद वेंगुर्ला पोलिस स्टेशन येथे दिलेली होती. यांच्या फिर्यादीवरुन आरोपी अजय शांताराम मठकर, अमित शांताराम मठकर, हरिश दिगंबर जावळेकर, प्रतिभा अमित मठकर, सविता संजय हुमरमळेकर, साक्षी सुरुश मठकर यांच्या विरुद्ध भा.द.वि कलम १४३, १४४,१४६, १४७,१४८,३२३,३५२,४२७,५०४, ५०६ अंतर्गत गुन्हा नोंद करण्यात आला होता.

यातील संशयीत आरोपी प्रसाद केशव मठकर, केशव पांडुरंग मठकर, प्रसाद पांडुरंग मठकर,पांडुरंग दत्ताराम मठकर, शालिनी पांडुरंग मठकर, राघोबा पांडुरंग मठकर यांनी ॲड.यतीश खानोलकर व ॲड. मनीष सातार्डेकर यांच्या मार्फत ओरोस येथील सत्र न्यायालय येथे अटकपूर्व जामीन मिळावा यासाठी अर्ज केला होता. सदर अर्जावर संशयीत आरोपी व सरकारी वकील यांचा युक्तीवाद होवुन संशयीत आरोपीच्या वतीने ॲड.यतीश खानोलकर व ॲड.मनीष सातार्डेकर यांनी आरोपीची मांडलेली बाजू योग्य मानून व आरोपीच्या वतीने केलेला युक्तीवाद ग्राह्य मानून दि.५ जून २०२४ रोजी संशयीत आरोपींचा अटकपूर्व जामीन मिळण्याचा अर्ज मे. न्यायालयाने मंजुर करुन संशयीत आरोपींना रक्कम रुपये २५ हजार रुपयांचा जामीन मंजुर केला असुन संशयीत आरोपी यांनी पोलिसांना तपासकामात आवश्यक ते सहकार्य करावे असे देखील आदेशात म्हटले आहे.