🛑ज्या कार्यकर्त्यांनी स्वतःचा व्यवसाय उभारण्यासाठी विनायक राऊत यांचा वापर केला त्यांनीच त्यांच्या राजकीय कारकिर्दीची हत्या केली..

▪️शिवसेना जिल्हा समन्वयक ऍड श्री.यशवर्धन राणे..

✍🏼लोकसंवाद /- कुडाळ.

नारायणराव राणे यांच्यासाठी कार्यकर्त्यांनी व पदाधिकाऱ्यांनी परिश्रम घेतले आणि त्यामुळेच त्यांना विजय झाला आहे हे सत्य आहे.मात्र,याउलट माजी खासदार विनायक राऊत यांनी ज्या सापांना पाळले होते,त्या सापांमुळे त्यांना पराभव पत्करावा लागला आहे.मात्र नेहमीप्रमाणे त्यांच्यावर कोणतीही कारवाई केली जाणार नाही.हे पदाधिकारी तेच आहेत ज्यांनी यापूर्वी अशी घाणेरडी कामे केली आहेत आणि त्यांच्यावर पक्षाच्या वरिष्ठांकडून कोणतीही कठोर कारवाई करण्यात आली नाही.आपल्या स्थानिक नगरपालिका निवडणुकीत दुसऱ्याचा फोटो आणि नाव वापरून निवडून येणारे हे लोक आपल्याला निवडून येण्यास मदत करू शकत नाहीत हे श्री राऊत यांना समजले पाहिजे होते.

मंत्र्यांवर टीका करणे सोपे आहे,परंतु काम करणे आणि आपला उमेदवार निवडून आणणे ही एक महत्त्वाची गोष्ट आहे ज्यात हे पोपट साफ अपयशी ठरले आहेत.निदान आता तरी त्यांनी आमचे मंत्री आणि नेते यांच्यावर टीका करून प्रसिद्धीच्या झोतात राहण्याचे त्यांचे निरर्थक प्रयत्न थांबवावेत आणि स्वतःच्या राजकीय कारकिर्दीची चिंता करावी.असे कुडाळ येथिल शिवसेना जिल्हा समन्वयक ऍड श्री.यशवर्धन राणे यांनी आपल्या प्रसिद्धी पत्रकाच्या माध्यमातून सांगितले आहे.